Ráiteas ón bhFoireann Náisiúnta Éigeandála Sláinte Poiblí - Dé Máirt an 17 Márta
- Foilsithe: 17 Márta 2020
- An t-eolas is déanaí: 11 Aibreán 2025
Tugadh fógra don Ionad Faireachais um Chosaint Sláinte faoi 69 gcás dheimhnithe nua de COVID-19 in Éirinn.
Tá na cásanna comhdhéanta de 29 bhfear agus de 40 bean:
- Baineann 48 gcás le hoirthear na tíre
- Baineann 13 chás leis an deisceart
- Baineann cúig chás leis an iarthuaisceart
- Baineann trí chás leis an iarthar
Tá dhá bhás a bhaineann le COVID-19 ann in Éirinn.
Tá 292 chás dheimhnithe de COVID-19 ann in Éirinn anois.
Tá Feidhmeannacht na Seirbhíse Sláinte (FSS) ag obair go tapa anois chun aon daoine a bhféadfadh go raibh na hothair i dteagmháil leo a shainaithint chun faisnéis agus comhairle a thabhairt dóibh ar mhaithe le tuilleadh leata a chosc.
Tháinig Simon Harris TD, an tAire Sláinte, an Dr Tony Holohan, Príomhoifigeach Míochaine, an Dr Ronan Glynn, Leas-Phríomhoifigeach Míochaine, an Dr Colm Henry, Príomhoifigeach Cliniciúil i bhFeidhmeannacht na Seirbhíse Sláinte, agus an Dr Cillian De Gascun, Cathaoirleach ar an Sainghrúpa Comhairleach ar COVID-19, tháinig siad le chéile lena gcuid comhghleacaithe ar fud na seirbhíse sláinte inniu chun breac-chuntas a thabhairt ar an gcur chuige a ghlac Éire go dtí seo agus chun plé a dhéanamh ar an mbealach is fearr chun na dúshláin atá romhainn a shárú.
Dúirt an Dr Tony Holohan, Príomhoifigeach Míochaine sa Roinn Sláinte:
"Tá comhar ar fud na seirbhíse sláinte níos tábhachtaí anois ná riamh agus ba mhaith liom buíochas a ghabháil lenár gcuid comhghleacaithe as an obair atá á déanamh acu chun cabhrú linn ullmhú do leathadh COVID-19 agus chun srian a chur lena leathadh."
Dúirt an Dr Ronan Glynn, Leas-Phríomhoifigeach Míochaine sa Roinn Sláinte:
"Léirigh an cruinniú inniu an tábhacht a bhaineann le teacht le chéile, lenár ndearcthaí a chomhroinnt agus lena chinntiú go dtacófar lenár bhfórsaí saothair sláinte, agus go gcumasófar dóibh, freagairt ar bhealach dinimiciúil ag an am ríthábhachtach seo."
CRÍOCH