Ráiteas ón bhFoireann Náisiúnta Éigeandála Sláinte Poiblí - Dé Máirt an 9 Feabhra 2021

Cuireadh in iúl don Ionad Faireachais um Chosaint Sláinte inniu go bhfuil 68 duine le COVID-19 tar éis bás a fháil.

Bhásaigh 50 díobh sin i mí Feabhra, 15 i mí Eanáir agus beirt i mí na Nollag*.

85 aois airmheánach na ndaoine a bhásaigh agus 43-96 an raon aoise.

3,752** duine san iomlán atá básaithe de thoradh COVID-19 in Éirinn go dtí seo.

Amhail meán oíche Dé Domhnaigh an 7 Feabhra, cuireadh 556 cás nua deimhnithe de COVID-19 in iúl don HPSC. 204,940*** cás de COVID-19 a deimhníodh in Éirinn go dtí seo.

As na cásanna a cuireadh in iúl inniu;

• Is fir iad 284 / is mná iad 268 díobh
• Tá 60% faoi bhun 45 bliana d’aois
• 39 aois airmheánach na ndaoine
• 163 i mBaile Átha Cliath, 45 i Luimneach, 38 i nGaillimh, 34 i gCorcaigh, 29 i bPort Láirge agus tá na 247 cás eile scaipthe ar fud 20 contae eile****

Amhail 8am inniu tá 1,104 othar COVID-19 san ospidéal, agus tá 182 acusan san aonad dianchúraim. Cuireadh 54 duine eile san ospidéal le 24 uair an chloig anuas.

Amhail an 6 Feabhra, bhí 236,996 dáileog de vacsaín COVID-19 tugtha in Éirinn:

• Bhí a gcéad dáileog faighte ag 152,652 duine
• Bhí an dara dáileog faighte ag 84,344 duine

Soláthraíonn Deais COVID-19 faisnéis cothrom le dáta faoi phríomhtháscairí COVID-19 sa phobal lena n-áirítear sonraí laethúla maidir le Clár Vacsaínithe COVID-19 na hÉireann.

CRÍOCH

• Tá bás amháin fós á fhiosrú.

**Mar thoradh ar bhailíochtú sonraí ag an HPSC dí-fhógraíodh 3 bhás. Léiríonn an figiúr de 3,752 bás é seo.

***Mar thoradh ar bhailíochtú sonraí ag an HPSC dí-fhógraíodh 13 cás deimhnithe. Léiríonn an figiúr de 204,940 cás é seo.

****Ba cheart sonraí contae a mheas go amhail is gur sonraí sealadacha iad toisc gur córas dinimiciúil é an Córas Ríomhairithe náisiúnta um Ghalair Thógálacha a Thuairisciú (CIDR) agus tá sonraí cáis á mbailíochtú agus á nuashonrú i gcónaí.

Minicíocht 7 lá 138.8

Meán gluaiseachta 5 lá 856

Cásanna an lae inniu, meán gluaiseachta 5 lá de chásanna nua, ráta minicíochta 14 lá in aghaidh gach 100,000 den daonra agus cásanna nua le 14 lá anuas (amhail meán oíche an 08 Feabhra 2021) (ráta minicíochta bunaithe ar dhaonra contae Dhaonáireamh 2016)

~Soláthraíonn an meán gluaiseachta 5 lá de líon na gcásanna nua táscaire iomchuí ar líon na gcásanna laethúla reatha laistigh de chontae. Áirítear aon bhailíochtú cásanna a tharla sna laethanta roimhe seo agus réitíonn sé luaineachtaí laethúla/deireadh seachtaine i líon na gcásanna.