Ráiteas ón bhFoireann Náisiúnta Éigeandála Sláinte Poiblí - Dé Sathairn
- Foilsithe: 31 Iúil 2021
- An t-eolas is déanaí: 11 Aibreán 2025
Cuireadh an tIonad Faireachais um Chosaint Sláinte ar an eolas inniu ar 1,427* cás deimhnithe de COVID-19.
Amhail 8am inniu, tá 164 othar COVID-19 san ospidéal, agus tá 26 astu siúd san aonad dianchúraim.
Dúirt an Dr Tony Holohan, an Príomhoifigeach Leighis, an Roinn Sláinte: “Bhaineamar líon cinniúnach 300,000 cás amach inniu a tugadh le fios in Éirinn ó thús na paindéime.
“Thugamar faoi deara inniu freisin conas a leanann dlúthpháirtíocht le bheith mar shaintréith ár bhfreagartha nuair a chuirtear san áireamh go bhfuil daoine óga fud fad na tíre ag feitheamh i scuainí go dtabharfar a vacsaín dóibh, chun iad féin a chosaint agus lena bpáirt a ghlacadh chun an pobal a chosaint.
“Spreagaim go mór aon duine atá incháilithe vacsaín a fháil chun é sin a dhéanamh agus an deis a thapú a luaithe agus is féidir.”
CRÍOCH//
Cláraigh chun do vacsaín COVID-19 a fháil.
- D’fhéadfadh athrú teacht ar líonta cásanna laethúla mar gheall ar bhailíochtú sonraí a dhéanfar amach anseo.