Ráiteas ón bhFoireann Náisiúnta Éigeandála Sláinte Poiblí - Déardaoin an 29 Aibreán 2021

Cuireadh in iúl don Ionad Faireachais um Chosaint Sláinte inniu go bhfuil triúr le COVID-19 tar éis bás a fháil.

4,899 duine san iomlán atá básaithe de thoradh COVID-19 in Éirinn go dtí seo.

Amhail meán oíche, Dé Céadaoin an 28 Aibreán, cuireadh 474 cás nua deimhnithe de COVID-19 in iúl don HPSC. 248,326* cás de COVID-19 a deimhníodh in Éirinn go dtí seo.

As na cásanna a cuireadh in iúl inniu;

• Is fir iad 239 / is mná iad 232 díobh
• Tá 71% faoi bhun 45 bliana d’aois
• 32 aois airmheánach na ndaoine
• 167 i mBaile Átha Cliath, 39 i gCill Dara, 37 i gCorcaigh, 36 i nDún na nGall, 29 sa Mhí agus tá na 166 cás eile scaipthe ar fud na gcontaetha eile go léir**.

Amhail 8am inniu, tá 155 othar COVID-19 san ospidéal, agus tá 44 acusan san aonad dianchúraim. Cuireadh 14 duine in ospidéal le 24 uair an chloig anuas.

Amhail an 27 Aibreán 2021, bhí 1,452,434 dáileog den vacsaín COVID-19 tugtha in Éirinn:

• Bhí a gcéad dáileog faighte ag 1,041,284 duine
• Bhí a dara dáileog faighte ag 411,150 duine

Soláthraíonn Deais COVID-19 faisnéis cothrom le dáta faoi phríomhtháscairí COVID-19 sa phobal lena n-áirítear sonraí laethúla maidir le Clár Vacsaínithe COVID-19 na hÉireann.

CRÍOCH

• Mar thoradh ar bhailíochtú sonraí ag an HPSC dí-fhógraíodh 5 cás deimhnithe. Léiríonn an figiúr de 248,326 cás deimhnithe é seo.

**Ba cheart sonraí contae a mheas go amhail is gur sonraí sealadacha iad toisc gur córas dinimiciúil é an Córas Ríomhairithe náisiúnta um Ghalair Thógálacha a Thuairisciú (CIDR) agus tá sonraí cáis á mbailíochtú agus á nuashonrú i gcónaí.

Cásanna an lae inniu, meán gluaiseachta 5 lá de chásanna nua, ráta minicíochta 14 lá in aghaidh gach 100,000 den daonra agus cásanna nua le 14 lá anuas (amhail meán oíche an 28 Aibreán 2021) (ráta minicíochta bunaithe ar dhaonra contae Dhaonáireamh 2016)

~Soláthraíonn an meán gluaiseachta 5 lá de líon na gcásanna nua táscaire iomchuí ar líon na gcásanna laethúla reatha laistigh de chontae. Áirítear aon bhailíochtú cásanna a tharla sna laethanta roimhe seo agus réitíonn sé luaineachtaí laethúla/deireadh seachtaine i líon na gcásanna.

• Minicíocht 7 lá 63.5
• Meán gluaiseachta 5 lá 426