“Tá a fhios againn gurb iad na daoine os cionn 70 bliain d'aois is mó a d'fhulaing de bharr COVID-19 agus gur iadsan is mó a bhásaigh mar gheall air. Tá Éire i gcaoi mhaith anois; is féidir linn vacsaíní an-éifeachtach agus sábháilte a thairiscint don chohórt seo anois."

“Tá sé léirithe gurb iad na vacsaíní mRNA, sé sin Pfizer/BioNTech, atá ceadaithe lena n-úsáid in Éirinn, na cinn is éifeachtaí agus is iad sin na vacsaíní cearta leis an gcosaint is fearr a thabhairt do dhaoine atá os cionn 70 bliain d'aois."

“Sna seachtainí amach romhainn, gheobhaidh níos mó dár ngaolta leochaileacha a vacsaínithe COVID-19. Is dea-scéal é seo agus tugann sé dóchas dúinn go léir. Fiú má fuair tú do vacsaín COVID-19, áfach, ní mór duit leanúint de do lámha a ní, clúdach aghaidhe a chaitheamh, achar sóisialta a choinneáil agus do dhlúth-theagmhálacha a choinneáil chomh híseal agus is féidir. Go dtí go mbeidh an vacsaín faighte againn go léir, caithfimid gníomhú amhail is nár vacsaíodh aon duine againn."

“Oibríonn an NIO le comhghleacaithe ar fud FSS agus i gcúram príomhúil chun na milliúin vacsaíní a riar gach bliain. Táimid ag baint úsáide as an saineolas agus an taithí ollmhór atá againn chun Clár Vacsaínithe COVID-19 a sheachadadh go sábháilte."

“Tá mé féin agus mo chomhghleacaithe san Oifig Náisiúnta Imdhíonta ag obair go crua chun ár n-ullmhúcháin a thabhairt chun críche, ag cinntiú go bhfuilimid réidh le vacsaíní sábháilte agus éifeachtacha a thabhairt do na daoine is leochailí inár sochaí de réir mar a ghlaofar orthu”.

“Inniu tá cloch mhíle shuntasach bainte amach againn agus muid ag tuairisciú níos mó ná 200,000 cás deimhnithe. Ní mór dúinn ár míle dícheall a dhéanamh líon na gcásanna agus minicíocht an ghalair sa bpobal a laghdú."

“Tá sé tugtha faoi deara againn go bhfuil moill ar dhaoine a bhfuil siomptóim acu teagmháil a dhéanamh lena ndochtúir teaghlaigh chun tástáil a shocrú. Tá sé ríthábhachtach chomh luath agus a thugann tú faoi deara go bhfuil siomptóim COVID-19 agat gur chóir duit féin-aonrú agus teagmháil a dhéanamh láithreach le do dhochtúir teaghlaigh. Trí ghníomhú go tapa, is féidir linn scaipeadh COVID-19 a chosc agus ár ngaolta leochaileacha a chosaint."

“Beidh na seachtainí beaga romhainn deacair dúinn go léir agus muid ag iarraidh líon na gcásanna in aghaidh an lae a thabhairt anuas faoi 1000, agus an chuma air go bhfuil ár ndul chun cinn ag moilliú. Tá sé níos tábhachtaí anois ná riamh leanúint lenár n-iarrachtaí agus líon na gcásanna a thabhairt anuas chomh híseal le mí an Mheithimh agus mí Iúil seo caite. Maidir leis sin, is dea-scéal é go léiríonn ár meastacháin go bhfuil an uimhir atáirgthe i bhfad faoi bhun a haon - thart ar 0.5 – 0.8."

“Thug mé ar aird an tseachtain seo caite go mbeidh tionchar ag tástáil dlúth-theagmhálacha ar líon na gcásanna sna laethanta amach romhainn. Níor chóir go mbeadh díomá orainn faoi seo, taispeánann sé go bhfuilimid tar éis bogadh ón gcéim maolaithe a bhí ann le cúpla seachtain anuas, ar ais go dtí an chéim coimeádta ina bhfuilimid ag rianú gach slabhra tarchuir a d'fhéadfadh a bheith ann."

Contae	Cásanna an lae inniu (go meán oíche 03 Feabh 2021)	Meán gluaiseachta 5 lá (go meán oíche 03 Feabh 2021)	Ráta minicíochta 14 lá in aghaidh gach 100,000 den daonra (21 Ean 2021 go 03 Feabh 2021)	Cásanna Nua le 14 lá anuas (21 Ean 2021 go 03 Feabh 2021)
Éire	1,318	1,102	397.1	18,909
Muineachán	27	27	876.4	538
Port Láirge	40	40	612.9	712
Lú	38	38	609.9	786
Ceatharlach	46	20	586.7	334
Loch Garman	28	54	525.0	786
Baile Átha Cliath	428	383	480.6	6,475
Maigh Eo	27	30	442.1	577
Uíbh Fhailí	21	17	424.6	331
An Mhí	68	42	411.2	802
Gaillimh	93	70	374.7	967
Luimneach	77	47	374.6	730
An Longfort	8	5	345.0	141
Cill Dara	78	53	342.9	763
Dún na nGall	36	27	338.0	538
Corcaigh	122	97	323.7	1,757
An Cabhán	23	14	320.3	244
Sligeach	13	12	311.3	204
Tiobraid Árann	22	24	301.5	481
Laois	19	18	277.5	235
Cill Mhantáin	27	2	275.2	392
An Iarmhí	16	13	268.1	238
An Clár	14	12	216.3	257
Liatroim	8	5	209.1	67
Cill Chainnigh	16	10	195.5	194
Ciarraí	20	14	183.5	271
Ros Comáin	<5	5	137.9	89