Roinneann an Roinn Sláinte torthaí taighde faoin Meanapás in Éirinn tar éis an chéad Fheachtas Feasachta Meanapáis in Éirinn faoi stiúir an rialtais

Déanann bean amháin as gach beirt a bhfuil an meanapás orthu cur síos air mar eispéireas diúltach

Léiríonn taighde nua ón Roinn Sláinte go gcuireann 55% de mhná a bhfuil an peiri-mheanapás agus an meanapás orthu cur síos air mar eispéireas diúltach, agus gan ach 22% ag cur síos air mar eispéireas dearfach.

Léiríonn sonraí ón taighde:

• Go ndúirt beagnach duine as gach triúr (31%) de mhná 35+ bliana d’aois go raibh an peiri-mheanapás nó an meanapás orthu faoi láthair
• Go gcuireann bean amháin as gach beirt (55%) a bhfuil an peiri-mheanapás nó an meanapás orthu cur síos air mar eispéireas diúltach
• Bíonn suas le seacht siomptóim ar an ngnáthbhean le linn an mheanapáis ag aon am ar leith
• Deireann bean amháin as gach triúr a bhfuil an meanapás orthu go bhfuil siomptóim sheasta orthu
• Ní deireann ach bean amháin as gach cúigear (23%) a bhfuil an meanapás orthu go mbeidis sásta labhairt faoi lena mbainisteoir ag an obair
• Aontaíonn formhór na ndaoine (93%) gur féidir tionchar mór a bheith ag an meanapás ar shaol laethúil mná

Thuairiscigh mná gurb iad na siomptóim meanapáis ba dhéine ná athruithe teochta (76%), athruithe míostraithe (73%), tuirse (72%), fadhbanna codlata (68%), athruithe i gcumraíocht coirp (58%), fadhbanna cognaíocha (56%), athruithe giúmair (54%) agus pian sna hailt (53%). Chomh maith leis sin, léirigh an taighde má bhíonn siomptóim ar bhean go rialta, tá gach seans ann go ndéarfaidh sí go bhfuil tionchar mór aige ar chaigdeán a beatha.

Is iad na príomhphíosaí comhairle a thabharfadh mná do mhná eile maidir leis an meanapás ná:

• labhair le do dhochtúir theaghlaigh
• faigh eolas / comhairle
• faigh oiread cabhrach agus is féidir leat
• fan dearfach agus bí chineálta leat féin.

I mí Dheireadh Fómhair 2022, sheol an tAire Sláinte, Stephen Donnelly TD, feachtas náisiúnta chun tacú le gach duine labhairt faoin meanapás, chun mná a chumhachtú chun labhairt faoin n-eispéireas lena páirtí, a muintir, a cairde agus a comhghleacaithe agus ag cur ar ár gcumas go léir tacú leo siúd a bhfuil an meanapás orthu.

Rinne B&A an suirbhé ar 1,290 duine fásta thar ceann na Roinne Sláinte i mí na Samhna 2022.

Tuilleadh eolais anseo.