Seolann an tAire Donnelly Comhdháil um Chúram Pobail Feabhsaithe
- Foilsithe: 1 Meán Fómhair 2022
- An t-eolas is déanaí: 12 Aibreán 2025
Thug an tAire Sláinte, Stephen Donnelly, TD, aitheasc inniu ag an gComhdháil um Chúram Pobail Feabhsaithe (ECC) i gCaisleán Bhaile Átha Cliath.
Is clár athchóirithe straitéiseach é an Clár um Chúram Pobail Feabhsaithe (ECC), atá ailínithe le tograí agus tosaíochtaí Sláintecare a fhéachann le seirbhísí nua agus feabhsaithe a sholáthar i suíomhanna cúraim phríomhúil agus pobail, agus a thacaíonn leis an aistriú i dtreo samhail níos pobal-lárnaí de chúram sláinte.
Ag oscailt na comhdhála ar maidin, dúirt an tAire Donnelly:
“Is fianaise é an Clár um Chúram Pobail Feabhsaithe (ECC) go bhfuil an Rialtas seo tiomanta do cheann de phríomhspriocanna Sláintecare a bhaint amach: samhail seirbhíse sláinte agus cúraim shóisialta na hÉireann a athrú chun torthaí agus taithí othar a fheabhsú, agus chun éifeachtúlacht an tseachadta seirbhíse a fheabhsú trí sheirbhísí a sholáthar san áit cheart, ag an am ceart, agus chomh gar don bhaile agus is féidir."
“Is clár athchóirithe é an ECC atá ina chroílár, agus leis an maoiniú suntasach atá faighte aige, agus a leanfaidh sé ar aghaidh á fháil, earcófar 3,500 ball foirne breise. Méadóidh sé seo leibhéal foriomlán an tsoláthair chúram sláinte, le seachadadh seirbhíse dírithe ar chleachtas ginearálta, ar chúram príomhúil agus ar sheirbhísí pobalbhunaithe."
“Agus é leabaithe go hiomlán, beidh conairí cúraim comhtháite forbartha go hiomlán againn i ngach ceantar géarmhíochaine ospidéil agus sláinte pobail ar fud na tíre agus ar fáil do chách. “
Is é cuspóir an ECC laghduithe ar liostaí feithimh, freastail ED, iontrálacha san ospidéil, laethanta leaba géarmhíochaine ospidéil a úsáidtear, atreoruithe chuig an ospidéal le haghaidh diagnóisice, agus ar amanna feithimh chun rochtain a fháil ar sheirbhísí. Chun na torthaí seo a bhaint amach, leithdháileadh maoiniú €195 milliún ar an gClár i mbliana chun:
- 96 Líonra Cúram Sláinte Pobail (CHNanna) a bhunú;;
- 30 Foirneann Speisialtóra Pobail do Dhaoine Aosta;
- 30 Foirneann Speisialtóra Pobail le haghaidh Galar Ainsealach;
- Clúdach náisiúnta d'fhoirne idirghabhála pobail;
- 3,500 ball foirne breise a fhostú; agus
- Samhail de chineál deonach a fhorbairt i gcomhar le ALONE
Is é téama na comhdhála inniu ‘Cúram a Thabhairt Gar don Bhaile', agus thug sé deis do pháirtithe leasmhara ECC ar fud seirbhísí príomhúla, pobail agus géarmhíochaine cúram comhtháite a phlé, eispéiris phraiticiúla ar shamhail ECC a chomhroinnt agus léargais a fháil ar conas athrú bunathraithe a chothú.