Tugann an tAire Sláinte a Thiomantas chun Fiosrúchán a Dhéanamh ar an Druga Frith-thitimis Valpróáit Sóidiam
- Foilsithe: 24 Samhain 2020
- An t-eolas is déanaí: 11 Aibreán 2025
Tá an tAire Sláinte Stephen Donnelly tiomanta d’fhiosrúchán a dhéanamh ar cheadúnú agus úsáid stairiúil an druga fhrith-thitimis valpróáit sóidiam (Epilim) in Éirinn, tar éis cruinniú le hionadaithe ó Titimeas Éireann agus leis an Eagraíocht um Shiondróm Frith-bhaoth-thonnach (OACS) Éireann.
Dúirt an tAire Donnelly:
"Tá tuismitheoirí agus leanaí a bhfuil tionchar ag valpróáit sóidiam orthu ag troid le blianta fada le haghaidh fiosrúcháin ar cheadúnú agus úsáid an druga seo. D’iarr mé ar oifigigh i mo Roinn tús a chur le hobair air seo mar thosaíocht, agus leag mé béim ar an ngá le fiosrúchán cothrom agus tapaidh. Rinneadh fiosrúcháin ar an ndruga seo cheana féin i dtíortha eile, lena n-áirítear sa Fhrainc agus sa Ríocht Aontaithe, agus mar sin is féidir linn leas a bhaint as na foghlaimí sin, ach ba mhaith liom a chinntiú freisin go n-éistear le guthanna theaghlaigh na hÉireann agus a dtaithí le linn an fhiosrúcháin seo."
Is féidir le cógais a bhfuil valpróáit iontu éalangacha ó bhroinn agus neamhoird fhorbartha a spreagadh i leanaí a nglacann a máithreacha cógáis den sórt sin le linn toirchis, agus bhí valpróáit sóidiam ina ábhar do dhá athbhreithniú le déanaí ag an nGníomhaireacht Leigheasra Eorpach, i 2014 agus 2017.
D’iarr an tAire ar oifigigh scrúdú a dhéanamh ar roinnt roghanna éagsúla maidir le struchtúr an fhiosrúcháin seo, ach leag sé béim air go bhfuil sé i bhfabhar próiseas cuíchóirithe a chuireann le heolas agus torthaí atá ann cheana ó dhlínsí eile, a chruthóidh tuarascáil thapaidh agus a bheidh ar chostas íseal. Chuir sé béim freisin go gcaithfidh teistiméireachtaí ó theaghlaigh a bhfuil míchumais orthu a bhaineann leis an ndruga a bheith lárnach sa phróiseas.
I mí Iúil 2020, d’fhoilsigh an tAthbhreithniú Neamhspleách ar Chógais agus Feistí Leighis sa Ríocht Aontaithe “First Do No Harm”, tuarascáil chuimsitheach ar an gcaoi ar fhreagair córas cúram sláinte na Ríochta Aontaithe d’imní a d’ardaigh othair agus teaghlaigh faoi thrí idirghabháil leighis, lena n-áirítear valpróáit sóidiam.
CRÍOCH