Cosaint Sonraí

Fógra agus Faisnéis um Chosaint Sonraí dár gCustaiméirí uile

Déanfar na sonraí pearsanta uile a phróiseálann an Roinn Talmhaíochta, Bia agus Mara de réir an dlí maidir le Cosaint Sonraí agus ní dhéanfar iad ach amháin chun na gcríoch a bhaineann le feidhmeanna na Roinne seo.

Meastar gur custaiméirí de chuid na Roinne iad baill foirne na Roinne ó thaobh Cosaint Sonraí de agus féadfaidh siad a gcearta cosanta sonraí a fheidhmiú ar an mbealach céanna.

Tá an Roinn tiomanta go hiomlán do na sonraí pearsanta uile a chuireann a custaiméirí isteach a choinneáil slán sábháilte le linn na bpróiseas riaracháin. Tá na bearta teicniúla riachtanacha go léir curtha i bhfeidhm chun sábháilteacht agus slándáil na gcóras ina bhfuil na sonraí sin a chinntiú.

Uaireanta is féidir sonraí pearsanta a úsáid i dtimpeallacht tástála IMT chun a chinntiú go gcomhlíonfaidh an tseirbhís IMT a chuirtear ar fáil riachtanais scéim/sheirbhís/fheidhm na Roinne dár gcustaiméirí. Nuair is féidir, cuirfidh an Roinn teorainn le húsáid sonraí pearsanta ar an mbealach seo agus tá sé mar aidhm aici sonraí den sórt sin a anaithnidiú agus a bhréagainmniú.

Tá trédhearcacht agus oscailteacht i dtaca le húsáid sonraí pearsanta atá á gcoinneáil tábhachtach don Roinn, agus dá bhrí sin, tá sé mar aidhm againn ár gcustaiméirí go léir a chur ar an eolas go hiomlán faoin gcuspóir/na cuspóirí a n-úsáidtear a gcuid sonraí chucu agus an fáth, an áit a roinntear iad agus cé chomh fada a choinníonn an Roinn a gcuid sonraí. Cuirtear faisnéis ar fáil freisin maidir le cearta na gcustaiméirí agus conas na cearta sin a fheidhmiú.

Tá leasú substaintiúil déanta ar na téarmaí agus coinníollacha a ghabhann le Scéimeanna agus/nó le faisnéis a chuirtear ar fáil dár gcustaiméirí ar fhoirmeacha iarratais chun foráil a dhéanamh maidir leis an bhfaisnéis bhreise cosanta sonraí ba cheart a chur ar fáil dár gcustaiméirí faoin Rialachán Ginearálta maidir le Cosaint Sonraí (RGCS).

Sa chás go soláthraíonn custaiméirí sonraí pearsanta laistigh de cheisteanna/gearáin a sheoltar chuig an Roinn, próiseálfar na sonraí seo laistigh den Roinn de réir mar is gá chun déileáil le ceisteanna/gearáin den sórt sin.

Other Data Protection Notices on our Website Fógraí Cosanta Sonraí Eile ar ár Suíomh Gréasáin

Déanfar faisnéis faoi Chosaint Sonraí a nuashonrú ar an leathanach seo ó am go ham.

Faoin reachtaíocht um Chosaint Sonraí, tá sé de cheart ag daoine aonair cóip a fháil ón Roinn Talmhaíochta, Bia agus Mara d'aon fhaisnéis phearsanta atá á coimeád orthu ar ríomhaire nó ar chóras comhdúcháin struchtúrtha. De ghnáth tugtar Iarratas Duine ar a Shonraí air sin.

An chaoi le hiarratas a dhéanamh

Chun Iarratas Duine ar a Shonraí a thaisceadh le RTBM, ní mór duit teagmháil a dhéanamh linn agus do chuid sonraí a iarraidh orainn. Is féidir é seo a dhéanamh ar ríomhphost, glao gutháin nó i scríbhinn.

Is féidir iarraidh ar iarrthóirí sonraí breise a sholáthar a d'fhéadfadh a bheith riachtanach chun na taifid a aimsiú, amhail uimhir thréada, uimhir phearsanra nó UPSP. D’fhéadfadh sé gur ghá cruthúnas céannachta agus seoladh a fháil chun a chinntiú go bhfuil an duine a dhéanann an iarraidh ar rochtain ag gníomhú go dlisteanach. Nuair a iarrtar aitheantas fótagrafach arna eisiúint ag stát, ní mór é a bheith ina aitheantas reatha chun go measfar é a bheith bailí. Ba cheart iarratais a sheoladh chuig an Oifigeach Cosanta Sonraí.

Tá Foirm Iarratais Duine ar a Shonraí ar fáil chun cabhrú leat

Litir Údaráis – agus iarratas duine ar a shonraí á dhéanamh thar ceann duine eile

Nuair is mian leat iarratas SAR a dhéanamh do dhuine eile teastaíonn Litir Údaráis agus ní mór don duine sin, an t-ábhar sonraí, í a shíniú.

An ngearrtar táille air?

Níl aon táille infheidhme faoin RGCS chun iarratas rochtana a dhéanamh ar do shonraí pearsanta féin, ach amháin má mheastar go bhfuil an t-iarratas go follasach gan bhunús nó iomarcach.

Má mheastar go bhfuil an t-iarratas go follasach gan bhunús nó iomarcach, féadfaidh feidhm a bheith ag na táillí seo a leanas:

Taifid a chuardach, a aisghabháil agus a chóipeáil: €20.00 in aghaidh na huaire

Fótachóip: €0.04 in aghaidh na bileoige

CD Rom: €10.00

Cén uair ba cheart freagra a eisiúint?

Faoin Rialachán Ginearálta maidir le Cosaint Sonraí, ní mór an fhaisnéis a iarrtar a chur ar fáil laistigh de mhí amháin. I gcás ina bhfuil iarratais casta nó ina bhfuil líon mór iarratas i gceist, féadfar síneadh dhá mhí eile a chur leis an teorainn ama sin.

An bhfuil eisceachtaí ann maidir leis an gceart rochtana?

Tá feidhm ag roinnt eisceachtaí maidir le scaoileadh sonraí lena n-áirítear rochtain ar shonraí tríú páirtí, sonraí faoi phribhléid dhlíthiúil, sonraí is gá chun cionta coiriúla a chosc, a imscrúdú nó a ionchúiseamh.

Ceart Achomhairc

Mura gcomhlíonann an Roinn iarratas bailí ar rochtain ar shonraí, tá sé de cheart ag an iarrthóir gearán a dhéanamh leis an gCoimisiún um Chosaint Sonraí. Déanfaidh an Coimisinéir an t-ábhar a imscrúdú agus tá cumhachtaí leathana aige chun a chinntiú go gcomhlíonann an Roinn forálacha na nAchtanna. Is féidir pionóis airgeadais a ghearradh.

Ba cheart gearáin a dhéanamh i scríbhinn, lena n-áirítear ríomhphost, chuig an gCoimisiún um Chosaint Sonraí ag:

Tuilleadh Faisnéise

Is foinse iontach faisnéise é suíomh gréasáin an Choimisiúin um Chosaint Sonraí ag https://www.dataprotection.ie/

Is féidir leo faisnéis a sholáthar freisin ar an nguthán nó ar ríomhphost.

Is é an reachtaíocht reatha maidir le Cosaint Sonraí in Éirinn ná an tAcht um Chosaint Sonraí 1988 arna leasú ag an Acht um Chosaint Sonraí 2003, an tAcht um Chosaint Sonraí 2018 agus na Rialacháin Ghinearálta maidir le Cosaint Sonraí (AE 2016/679) a tháinig i bhfeidhm an 25 Bealtaine 2018. (Ba cheart a thabhairt faoi deara go bhfuil seans maith ann go ndéanfar an tAcht um Chosaint Sonraí 1988, arna leasú in 2003, a aisghairm go hiomlán, in am trátha).

Má fhaigheann an Roinn aon fhaisnéis a fhágann go gcreideann sí go bhféadfadh sé gur tharla cion coiriúil, bainfidh sí úsáid as na sonraí uile atá ar fáil, lena n-áirítear sonraí pearsanta, chun tabhairt faoi aon imscrúdú agus/nó ionchúiseamh is gá dá bhforáiltear faoi théarmaí na Treorach maidir le Forfheidhmiú an Dlí (AE 2016/680).

Sa Roinn seo, tá formhór na ngníomhaíochtaí próiseála bunaithe ar oibleagáid dhlíthiúil. D'fhéadfadh roinnt gníomhaíochtaí a bheith bunaithe ar leas an phobail nó ar fheidhmiú údarás oifigiúil na Roinne, lena n-áirítear conraitheoirí a fhostú chun cabhrú linn ár bhfeidhmeanna a chomhlíonadh. Tugtar faisnéis bhreise ar leathanach na bhFógraí Príobháideachais maidir le gníomhaíochtaí sonracha dul chun cinn a dhéanann an Roinn.

Faoi Reachtaíocht um Chosaint Sonraí, tá an Roinn Talmhaíochta, Bia agus Mara, mar rialaitheoir sonraí, freagrach as bailiú agus próiseáil na sonraí pearsanta uile atá faoina riarachán.

Is féidir teagmháil a dhéanamh leis an Oifigeach Cosanta Sonraí mar seo a leanas:

Déanfar na sonraí pearsanta uile a phróiseálann an Roinn Talmhaíochta, Bia agus Mara de réir an dlí maidir le Cosaint Sonraí agus ní úsáidfear iad ach amháin chun na gcríoch a bhaineann le feidhmeanna na Roinne seo. Liostaítear na feidhmeanna sin thíos:

Agus a sainordú á chomhlíonadh aici, tugann an Roinn faoi fheidhmeanna éagsúla lena n-áirítear:

• Comhairle agus forbairt beartais maidir le gach réimse den fhreagracht Roinne.
• Ionadaíocht i gcaibidlíochtaí idirnáisiúnta, go háirithe i gcaibidlíochtaí AE agus náisiúnta.
• Scéimeanna náisiúnta agus scéimeanna AE a fhorbairt agus a chur chun feidhme chun tacú le Talmhaíocht, Bia, Iascach, Foraoiseacht agus Timpeallacht Thuaithe.
• Monatóireacht agus rialú a dhéanamh ar ghnéithe sábháilteachta bia.
• Caiteachas poiblí faoina rialú a rialú agus a iniúchadh.
• Rialáil na dtionscal talmhaíochta, iascaigh agus bia trí reachtaíocht náisiúnta agus reachtaíocht AE.
• Monatóireacht agus rialú a dhéanamh ar shláinte ainmhithe agus plandaí agus ar leas ainmhithe.
• Monatóireacht agus stiúradh a dhéanamh ar Chomhlachtaí Stáit atá ag gabháil do na réimsí seo a leanas - oiliúint agus comhairle taighde - forbairt mhargaidh agus cur chun cinn - rialáil tionscail agus forbairt - gníomhaíochtaí tráchtála.
• Seirbhísí tacaíochta a sholáthar go díreach don Talmhaíocht, don Iascach, don Bhia agus don Fhoraoiseacht.

Nuair a sholáthraíonn tú, mar chustaiméir, sonraí pearsanta don Roinn, tá cearta áirithe agat maidir leis na sonraí sin. Mar sin féin, ba cheart a thabhairt faoi deara nach mbeidh feidhm ag na cearta uile atá liostaithe i ngach cás. Tá na cearta seo leagtha amach thíos agus is féidir iad a fheidhmiú trí theagmháil a dhéanamh leis an Oifigeach Cosanta Sonraí, mar atá sonraithe thuas, ag cur in iúl cén ceart(anna) is mian leat a fheidhmiú:

Is féidir le custaiméirí na Roinne leas a bhaint, nuair is infheidhme, as na cearta seo a leanas:

• rochtain ar a gcuid sonraí
• ceartú a gcuid sonraí
• scriosadh a gcuid sonraí
• srianadh próiseála
• iniomparthacht sonraí
• agóid i gcoinne próiseála
• toiliú a tharraingt siar má thug siad roimhe seo é i ndáil le próiseáil a gcuid sonraí pearsanta
• cearta a bhaineann le cinnteoireacht uathoibrithe, lena n-áirítear próifíliú.
• an ceart gearán a thaisceadh leis an Údarás Maoirseachta

Ag pointe bailithe do shonraí pearsanta (e.g. san fhoirm iarratais), ba cheart faisnéis a sholáthar faoin áit a roinnfear na sonraí pearsanta atá á soláthar agat. Ní roinnfear é i gcónaí ach amháin sa chás go bhfuil bunús dlí bailí ann chun é sin a dhéanamh agus de réir na reachtaíochta cuí um Chosaint Sonraí.

I gcás ina mbailítear sonraí pearsanta agus ina meastar go bhfuil cuspóir taighde/staitisticí comhoiriúnach le cuspóir an bhailithe, féadfar iad a úsáid/a roinnt chun na críche sin. Déanfar é sin i gcomhréir leis an dlí um Chosaint Sonraí. Nuair is féidir, cuirfear faisnéis faoi seo ar fáil don chustaiméir ag an bpointe bailithe sonraí, nó a luaithe is féidir ina dhiaidh sin.

Ní choinneofar faisnéis a phróiseáiltear chun na críche seo ach chomh fada agus a bhfuil gá le gnó agus ina dhiaidh sin déanfar í a mharcáil lena scriosadh agus scriosfar í de réir treoirlínte inmheánacha nó treoirlínte maidir le scriosadh a fhaightear ó Oifig na Cartlainne Náisiúnta nó ceadanna gaolmhara a fhaightear uathu.

Nuair is féidir, déanfaidh an Roinn sonraí pearsanta (folú) a anaithnidiú nó a bhréagainmniú ionas nach mbeidh na sonraí pearsanta ar fáil ach dóibh siúd a bhfuil riachtanas soiléir gnó acu iad a fheiceáil.

Baineann an Roinn úsáid as an Uimhir PSP (UPSP) mar aitheantóir custaiméara chun scéimeanna agus seirbhísí a riar dár gcustaiméirí seachtracha agus chun seirbhísí a bhaineann le fostaithe a sholáthar dár bhfoireann inmheánach. Tá tuilleadh faisnéise le fáil ar shuíomh gréasáin Gov.ie faoin gClár Úsáídeoirí Anseo Here.

Data Protection Privacy Notices

Má tá imní ort gur sháraigh RTBM do chuid sonraí, ba cheart duit sonraí iomlána an ghearáin a chur ar fáil;

Data Sharing Agreements under DSGA