Cairt Custaiméirí agus Plean Gníomhaíochta: Réamhrá

Tá ról lárnach ag an Roinn Talmhaíochta, Bia agus Mara maidir le slí bheatha feirmeoirí, iascairí, táirgeoirí bia agus foraoiseoirí a chosaint agus ag an am céanna feabhas a chur ar rannchuidiú na hearnála le struchtúr eacnamaíoch agus sóisialta na hÉireann.

Is é an fhís atá againn ná go mbeadh an earnáil agraibhia, foraoiseachta agus bia mara inbhuanaithe, nuálach agus iomaíoch.

Is é an misean atá againn ná “An earnáil a threorú, a chumasú agus a rialú ar bhealach a uasmhéadaíonn a rannchuidiú le hinbhuanaitheacht shóisialta, eacnamaíoch agus chomhshaoil.”

Trí na spriocanna seo a bhaint amach, táimid tiomanta don tseirbhís is tráthúla, is éifeachtaí agus is cúirteisí is féidir a sholáthar dár gcustaiméirí.

Freastalaímid ar bhonn custaiméirí leathan agus éagsúil lena n-áirítear an pobal, feirmeoirí, tomhaltóirí, próiseálaithe bia agus oibreoirí tráchtála eile san earnáil talmhaíochta, iad siúd atá bainteach le hiascaireacht mhara, dobharshaothrú, foraoiseacht, bithfhuinneamh agus taighde.

Tá ról agus freagracht na Roinne chun an bonn custaiméirí suntasach agus leathan seo a ionchorprú éagsúil. Áirítear ar an ról againn:

• Sláinte phoiblí, ainmhithe agus plandaí agus leas ainmhithe a chur chun cinn agus a chosaint chun leasa tomhaltóirí, táirgeoirí, an gheilleagair agus na sochaí i gcoitinne.
• A chinntiú go bhfuil rochtain ag thart ar 130,000 Feirmeoir ar réimse scéimeanna, seirbhísí agus tacaíochtaí na Roinne.
• Ag cur le forbairt leanúnach earnáil foraoiseachta bríomhar in Éirinn a chomhlíonann riachtanais shóisialta, chomhshaoil agus eacnamaíocha phobail agus an gheilleagair thuaithe.
• Tacú le bainistíocht inbhuanaithe iascaigh, táirgeadh dobharshaothraithe agus forbairt eacnamaíoch earnáil tráchtála bia mara chun leasa táirgeoirí, próiseálaithe, na bpobal tuaithe cósta ina bhfeidhmíonn go leor acu agus an gheilleagair i gcoitinne.
• Ag obair i gcomhar le réimse leathan geallsealbhóirí chun creat beartais is fearr a sholáthar d’fhorbairt inbhuanaithe earnáil an agraibhia.

Trí chomhlíonadh ár róil éagsúla agus soláthar seirbhísí, déanann an Roinn iarracht an taithí is fearr is féidir a sholáthar do gach duine a idirghníomhaíonn linn.

Tá áitribh ag an Roinn i roinnt áiteanna ar fud na tíre, agus tá níos mó ná 4,000 ball foirne aici. Tá ár bhfoireann ag obair i réimse disciplíní lena n-áirítear Foireann Riaracháin, Eacnamaithe, Oifigigh Theicniúla Talmhaíochta, Cigirí Tréidliachta, Cigireacht Talmhaíochta, Cigireacht Foraoiseachta, Innealtóirí, Máistrí Cuain, Speisialtóirí Saotharlainne agus Foireann Tacaíochta Seirbhísí. Is féidir liosta iomlán dár n-oifigí a fháil ar shuíomh gréasáin na Roinne.