“Tosaíocht straitéiseach de chuid UAE é slándáil bhia náisiúnta a threisiú. Dá réir sin, is mian leis an Aireacht dlús a chur leis an gcomhoibriú leis na heintitis ábhartha i dtíortha eile ar mhaithe le borradh a chur faoi thrádáil bhia, leanúnachas na slabhraí soláthair a chinntiú, agus dlús a chur le glacadh le réitigh nuálacha sa réimse seo. Spreagfaidh an comhaontú le Roinn Talmhaíochta, Bia agus Mara na hÉireann eispéiris rathúla nuálaíochta agus teicneolaíochta i ngach gné de shlándáil agus d’inbhuanaitheacht bhia.”

“Creidim gur féidir le hÉirinn leanúint ar aghaidh ag feidhmiú mar chomhpháirtí láidir do UAE chomh fada is a bhaineann le comhoibriú teicniúil maidir le cuspóirí slándála bia; mar aon le réimsí comhleasa eile; lena n-áirítear deiseanna trádála, ceisteanna a bhaineann le rochtain ar an margadh, agus taighde agus nuálaíocht. Is féidir an caidreamh seo a fhorbairt tuilleadh sna blianta amach romhainn.”

“Bhí mé fíorshásta cúlra straitéis nua na hÉireann, atá bunaithe ar pháirtithe leasmhara: ‘Fís don Bhia 2030 – Ceannaire Domhanda i gCórais Bhia Inbhuanaithe’ a phlé leis an Aire Almheiri. Admhaím ceannaireacht an Aire Almheri i ndáil leis an AIM don tionscnamh taighde dhomhanda Aeráide (Misean Nuálaíochta Talmhaíochta don Aeráid), tionscnamh a bhfuil áthas ar Éirinn páirt a ghlacadh ann.”