Ceadú na n-iarratas is déanaí ar TAMS fógartha ag an Aire chomh maith le hAraidí Mine i TAManna do gach Earnáil

Tá sé fógartha inniu ag an Aire Talmhaíochta, Bia agus Mara, Michael Creed TD, go bhfuil tús curtha le níos mó ná 2,090 iarratas a cheadú faoin tráinse is déanaí de scéim TAMS. Fuarthas na hiarratais seo faoi Thráinse 12 ar tháinig deireadh leis an 7 Nollaig 2018 ina léirítear an ceathrú líon is airde d'iarratais de réir an tráinse go dtí seo. Meastar gur fiú €30.5m na hiarratais ar fad fuarthas mar chuid de Thráinse 12.

Dúirt an tAire:

Chomh maith leis sin, tá sé fógartha ag an Aire go mbeidh araidí mine ina n-infheistíocht incháilithe ar an liosta earraí atá ar fáil do gach earnáil faoi TAMS II le héifeacht láithreach. Osclaíodh an tráinse reatha TAMS II ar an 8 Nollaig agus tiocfaidh deireadh leis ar an 5 Aibreán 2019. Is féidir iarratas a dhéanamh ar araidí mine anois tríd an gcóras iarratais ar líne. Chomh maith leis sin tá athbhreithniú déanta ar chóras pionóis TAMS II maidir le héilimh íocaíochta a chur ar aghaidh déanach chun go mbeidh níos mó solúbthachta i gceist agus chun go dtabharfar pionóis ghrádaithe isteach faoi iarratas a chur ar aghaidh déanach.

Maidir leis na hathruithe sin, Dúirt an tAire:

CRÍOCH

Meabhraítear d'fheirmeoirí más rud é go bhfuil ceadú acu faoi TAMS cheana féachaint ar na dátaí ábhartha ar a gcuid litreacha ceadaithe agus a chinntiú go gcuirfear éilimh íocaíochta isteach roimh an sprioc-am a bhaineann le hábhar. Is féidir éilimh a dhéanamh ar an gcóras ar líne chomh luath agus a bheidh an obair atá ceadaithe curtha i gcrích le go mbeifear in ann éilimh a íoc go pras.

Tá na sonraí ar fad an bhaineann le bearta TAMS II ar fáil ar láithreán gréasáin na Roinne ag: www.agriculture.gov.ie/farmerschemespayments/tams.

Is féidir teacht ar an Rannóg TAMS ar an nguthán ag 0761 064452.

Nuashonrú maidir le Scéim TAMS a chur i bhfeidhm - Eanáir 2019

Tá an-suim i measc feirmeoirí i gcónaí i Scéim TAMS II agus tá níos mó ná 17,800 ceadú eisithe chuig rannpháirtithe ag an tráth seo.

Cuireadh éilimh íocaíochta as oibreacha ceadaithe a cuireadh i gcrích ar aghaidh agus íocadh na héilimh sin le breis is 7,000 rannpháirtí. Ó thaobh luacha de, tá íocaíochtaí níos mó ná €103m eisithe go dtí seo mar gheall air sin, agus eisíodh níos mó ná €5.6m de sin i mí na Nollag seo caite. Leanfar de cheaduithe a eisiúint agus d'éilimh íocaíochta a cuireadh ar aghaidh a íoc ar bhonn leanúnach le linn 2019.

Tá ceadú TAMS II ag níos mó ná 8,900 feirmeoir ach níl éileamh íocaíochta curtha ar aghaidh acu ina leith go fóill. Tá ceaduithe ó Thráinse 6 á n-eisiúint ar feadh 6 mhí do threalamh soghluaiste agus ar feadh 12 mhí d'infheistíochtaí suite. Tá an Roinn ag moladh go láidir d'fheirmeoirí a bhfuil ceaduithe gan íoc acu súil a chaitheamh ar a litir ceadaithe agus a bheith aireach ar an dáta a rachaidh an ceadú in éag.

Tá athbhreithniú déanta ar an gcóras pionóis maidir le héilimh íocaíochta a chur ar aghaidh go déanach. Beidh an Roinn i dteagmháil díreach leo sin a mbeidh tionchar ag na hathruithe seo orthu sna seachtainí romhainn.

Mar thoradh ar iarratais, áirítear Araidí Mine do na hearnálacha ar fad anois sa Tráinse reatha a dtiocfaidh deireadh leis an 5 Aibreán 2019.

Dáta do Thráinsí amach anseo:

• Tráinse 14 – deireadh ag teacht leis an 5 Iúil 2019
• Tráinse 15 – deireadh ag teacht leis an 4 Deireadh Fómhair 2019
• Tráinse 16 – deireadh ag teacht leis an 12 Eanáir 2020

Is mar seo a leanas atá an caiteachas faoi gach ceann de na seacht mbeart atá faoin Scéim go dtí an 31 Nollaig 2018:

Is mar seo a leanas na hEarraí Infheistíochta is mó a bhfuil Tóir orthu (de réir líon na n-iarratas) ar fud bhearta TAMS II ar fad:

• Umar Maischoncréite - Umar Cearnógach nó Dronuilleach
• Tithíocht Ainmhithe - Cosán beathaithe faoi dhíon
• Fál Caorach - Mogall Caorach ina bhfuil 1 Sreang amháin
• Stóráil agus Fuarú bainne - Toirt Inmheánach Ollumair (lena n-áirítear Glantóir Uathoibríoch agus comhbhrúiteoir)
• Bliteoir - Aonaid Cnuasaigh (Inneall Nua nó síneadh)
• Tithíocht Ainmhithe - Limistéar le lataí
• Tancaeir Sciodair Soghluaiste le feisteas - Tancaeir Sciodair
• Fál Caorach – Geata
• Córas Beathaithe Mine sa Bhleánlann - Trachanna Mine
• Córas Beathaithe Mine sa Bhleánlann - Beathaitheoirí Mine do bhó aonair, le tarathair

Ná Cúig Earra Infheistíochta is Mó Tóir orthu in aghaidh an Bhirt (de réir líon na n-iarratas):

Scéim Leasa Ainmhithe, Sábháilteachta agus Stórála Cothaithigh (AWSNS):

• Fál Caorach - Mogall Caorach ina bhfuil 1 Sreang amháin
• Fál Caorach - Geata
• Umar Maischoncréite - Umar Cearnógach nó Dronuilleach
• Tithíocht Ainmhithe - Cosán beathaithe faoi dhíon
• Tithíocht Ainmhithe - Limistéar le lataí

Scéim Trealamh Déiríochta (DES):

• Stóráil agus Fuarú bainne - Toirt Inmheánach Ollumair (lena n-áirítear Glantóir Uathoibríoch agus comhbhrúiteoir)
• Bliteoir - Aonaid Cnuasaigh (Inneall Nua nó síneadh)
• Córas Beathaithe Mine sa Bhleánlann - Beathaitheoirí Mine do bhó aonair, le tarathair
• Córas Beathaithe Mine sa Bhleánlann - Trachanna Mine
• Beathaitheoirí Mine Baisce/ iláite, le tarathair

Scéim Trealamh Spréite Sciodair Astaíochtaí Ísle (LESS):

• Tancaeir Sciodair Soghluaiste le Feisteas - Tancaeir Sciodair
• Tancaeir Sciodair Soghluaiste le Feisteas - Feisteas bróige cúil le mionbhristeoir
• Tancaeir Sciodair Soghluaiste le Feisteas - Leatóir barra prioslála
• An barra prioslála a ais-suiteáil ar an tancaeir - Barra prioslála ais-suiteáilte
• Córas Imleacáin - Caidéal bhoinn, spól osáin agus feistis

Scéim Infheistíochta Caipitil Orgánach (OCIS):

• Lomaire
• Lódaire (tulsuite)
• Spréiteoir Aoiligh
• Gabhal Aoiligh
• Bob Féir

Scéim Infheistíochta Muca agus Éanlaithe (PPIS):

• Uasghrádú Éifeachtúlachta Fuinnimh Teach Éanlaithe - Soilsiú atá tíosach ar fhuinneamh do thithe sicíní grísce
• Saoráidí laghdaithe galair do thithe éanlaithe atá ann cheana - Córais óltóirí do theach sicíní grísce
• Uasghrádú Éifeachtúlachta Fuinnimh Teach Éanlaithe - Córas téite indíreach
• Aonaid Dáilte Míochaine - Dáileoir míochaine atá suite in uisce d'aonad éanlaithe
• Painéil ghréine chun leictreachas a tháirgeadh

Scéim Infheistíochta Caipitil Orgánach (OCIS):

• Curaíocht suaite íosta (ní cheadaítear trealamh PTO) - Saothraí coinleach diosca –suite
• Rialtán Innealra GPS - Rialtán Stiúrtha Tarracóra le cruinneas 200mm ar a laghad - ais-suiteáil
• Spréiteoir leasacháin - atá suite le rialtán iomlán GPS
• Laghdú lotnaidicíde - Rollóir Trom Cambridge / brúiteoir iomairí
• Spraeirí - Spraeire cúil le rialtán GPS curaíocht suaite Íosta (ní cheadaítear trealamh PTO) - Scaiptheoir síolta le suiteáil ar shaothraí

Scéim Infheistíochta Caipitil na bhFeirmeoirí Óga (YFCIS):

• Umar Maischoncréite - Umar Cearnógach nó Dronuilleach
• Tithíocht Ainmhithe - Cosán beathaithe faoi dhíon
• Tithíocht Ainmhithe - Limistéar le lataí
• Bliteoir - Aonaid Cnuasaigh (Inneall Nua nó síneadh)
• Stóráil agus Fuarú bainne - Toirt Inmheánach Ollumair (lena n-áirítear Glantóir Uathoibríoch agus comhbhrúiteoir)