Cuireann Clár Forbartha Agraibhia na hAfraice (AADP) deontais suas le €250,000 ar fáil chun tacú le gnólachtaí margaí nua a fhorbairt
- Foilsithe: 21 Márta 2022
- An t-eolas is déanaí: 22 Márta 2022
Tá spreagadh á thabhairt do chuideachtaí agraibhia Éireannacha de gach méid iarratas a dhéanamh ar mhaoiniú deontais chun deiseanna spreagúla a fhiosrú agus a thapú chun margaí nua a fhorbairt san Afraic.
Sheol Clár Forbartha Agraibhia na hAfraice (AADP), a rinne ceiliúradh i mbliana ar 10 mbliana de thacaíocht do chuideachtaí Éireannacha chun a n-uaillmhian gnó a dhéanamh san Afraic a bhaint amach, a ghlao is déanaí ar iarratais a fhanfaidh ar oscailt go dtí an 30 Aibreán.
Tugann an AADP deis luachmhar do ghnólachtaí agrai-ghnó na hÉireann an acmhainneacht a fhorbairt agus a shaothrú ó chomhpháirtíochtaí nuálacha le cuideachtaí i dtíortha san Afraic fho-Shahárach, agus cuireann sé tacaíocht deontais mhaoinithe chomhoiriúnaithe suas le €250,000 ar fáil do chuideachtaí Éireannacha.
Dúirt an tAire Stáit sa Roinn Talmhaíochta, Bia agus Mara, an Seanadóir Pippa Hackett:
“Cuid mhór den rath a eascraíonn as an maoiniú AADP seo is ea na comhpháirtíochtaí a cruthaíodh le cuideachtaí áitiúla san Afraic. Trí fhoghlaim óna chéile, tá an dá chomhpháirtí tar éis deiseanna a aimsiú a bhfuil buntáistí suntasacha ag baint leo, ní hamháin chun tacú le fás inbhuanaithe an tionscail bia áitiúil, agus chun margaí do tháirgí áitiúla a thógáil, ach freisin chun tacú le trádáil chomhpháirteach idir Éire agus an Afraic."
Dúirt an tAire Stáit le freagracht as Cúnamh Forbartha Thar Lear agus Diaspóra, Colm Brophy T.D:
“Le caoga bliain anuas tá ár gcóras bia in Éirinn athraithe ó bhonn againn, ó fheirmeoireacht chothaitheach go hoileán bia a bhfuil gnólachtaí agraibhia mór le rá ann. Tríd an AADP, táimid ag cur ar ár gcumas faisnéis agus saineolas gnó na hÉireann a roinnt le comhpháirtithe san Afraic. Fágann sé sin go dtacaítear le cuideachtaí Éireannacha atá ag iarraidh fás agus le cuideachtaí Afracacha a bhfuil infheistíocht nó fios gnó á lorg acu.
“Tá ag éirí go maith leis an AADP le fada an lá. Spreag sé cuideachtaí Éireannacha infheistíocht a dhéanamh san Afraic. Tá sé tar éis cuideachtaí Afracacha a mheaitseáil le comhpháirtithe Éireannacha, rud a chuidíonn lena dtairiscintí gnó a dhéanamh níos inbhuanaithe. Anois agus ceisteanna faoi shlándáil bia ar ár gclár oibre domhanda, tugann an AADP deis do ghnólachtaí Éireannacha a bhfuil suim acu infheistíocht a dhéanamh san Afraic amhlaidh a dhéanamh agus ag an am céanna tionchar an-dearfach a thógáil do thionscal agraibhia na hAfraice."
Comhthionscnamh idir an Roinn Gnóthaí Eachtracha agus an Roinn Talmhaíochta, Bia agus Mara (DAFM) is ea an clár.
Thacaigh an AADP le cuideachtaí Éireannacha chun fiontair thráchtála inbhuanaithe agus thairbheacha a fhorbairt san Afraic lena n-áirítear slabhra luacha talmhaíochta, táirgí sláinte ainmhithe agus barr, gairneoireacht, géineolaíocht beostoic, áiseanna táirgthe déiríochta agus cáise.
Cabhraíonn na deontais shuntasacha atá á dtairiscint le gnólachtaí a riosca airgeadais a bhainistiú agus a gcuid saineolais agus acmhainní a úsáid chun oibriú ar thionscadail i gcomhar le cuideachtaí na hAfraice chun tionchar láidir agus dearfach a sheachadadh.
Le haghaidh tuilleadh faisnéise, téigh chuig Item was unpublished or removed
Le haghaidh ceisteanna nó chun iarratas a dhéanamh ar mhaoiniú deontais AADP, seol ríomhphost chuig aadp@agriculture.gov.ie
CRÍOCH