Fógraíonn an tAire Heydon €1.9 milliún d'íocaíochtaí faoin Íocaíocht Cúnaimh Burláilte (BAP)
- Foilsithe: 20 Feabhra 2025
- An t-eolas is déanaí: 21 Feabhra 2025
Fógraíonn an tAire Heydon €1.9 milliún d'íocaíochtaí faoin Íocaíocht Cúnaimh Burláilte (BAP)
D'fhógair an tAire Talmhaíochta, Bia agus Mara, Martin Heydon TD, inniu go bhfuil tús curtha le híocaíochtaí dar luach iomlán €1.9 milliún a eisiúint d'fheirmeoirí faoin Íocaíocht Cúnaimh Burláilte (BAP).
Mhaígh an tAire:
“Tugadh isteach an Íocaíocht Cúnaimh Burláilte i samhradh na bliana 2024, mar bheart aonuaire, chun tacú le feirmeoirí curaíochta tuí a tháirgeadh le haghaidh easrach agus farae le linn tréimhse aimsire thar a bheith deacair. Trína bhunú, ligeadh d’fheirmeoirí a bhí sa Bheart Ionchorpraithe Tuí (SIM) tarraingt siar agus dul isteach in BAP chun a chinntiú gur uasmhéadaíomar infhaighteacht farae agus easrach go náisiúnta.”
Chuir an tAire an méid seo a leanas leis sin:
“Feirmeoirí a roghnaigh tarraingt siar nó tarraingt siar go páirteach ó SIM agus dul isteach in BAP, tosóidh siad ag fáil íocaíochtaí sna laethanta amach romhainn. Mholfainn d’fheirmeoirí ar bith nach bhfuil na doiciméid tacaíochta riachtanacha curtha ar fáil acu go fóill an fhaisnéis a chur faoi bhráid mo Roinne chun go bhféadfar na híocaíochtaí deiridh a dhéanamh.”
Mar fhocal scoir, dúirt an tAire:
“Go dtí seo tá breis is €5.6 milliún íoctha ag mo Roinn le SIM, beagnach €9.7 milliún i gCúnamh Próitéine agus €32.4 milliún faoin scéim Tacaíochta Curaíochta agus Gairneoireachta. Is tacaíocht ríthábhachtach iad na híocaíochtaí seo don churaíocht agus leagann siad béim ar thábhacht na hearnála don Rialtas seo.”
Beidh íocaíochtaí le feiceáil i gcuntas bainc fheirmeoirí sna laethanta amach romhainn.
Is féidir le feirmeoirí ar mian leo teagmháil a dhéanamh leis an roinn maidir lena nÍocaíocht Cúnaimh Burláilte, glaoch a chur ar an Líne Chabhrach Íocaíochtaí Díreacha ar 057-8674422 nó trí ríomhphost chuig tillage@agriculture.gov.ie
CRÍOCH
Nótaí don Eagarthóir
Is scéim é an Beart Ionchorpraithe Tuí (SIM) faoi Phlean Straitéiseach CBT na hÉireann (CSP) 2023 – 2027. Tá an scéim ceaptha chun tacaíocht airgeadais a chur ar fáil d'fheirmeoirí curaíochta chun leibhéil charbóin orgánaigh ithreach a mhéadú trí bharra gránacha a ghearradh agus a ionchorprú.
Is €250 an ráta in aghaidh an heicteáir do Choirce, Cruithneacht, Eorna agus Seagal agus ráta níos ísle de €150 do do thuí ó Ráib Olashíl.
Tugadh isteach an Íocaíocht Cúnaimh Burláilte in 2024 mar scéim bhreise chun soláthairtí farae a threisiú a bhí ar siúl i gcomhar le SIM. Thug an íocaíocht seo deis d'fheirmeoirí an tsolúbthacht a roghnú ar chóir dóibh maoiniú a fháil trí thuí a ghearradh faoi SIM nó trína bhurláil faoin Íocaíocht nua Cúnaimh Burláilte. Tá an íocaíocht socraithe ag €175 in aghaidh an heicteáir do bheartáin incháilithe SIM a tarraingíodh siar ón scéim SIM inar burláladh an tuí.
Níl gach iarratas faofa faoi láthair le haghaidh íocaíochta faoin Íocaíocht Cúnaimh Burláilte. Leanfar le párolla rialta sna seachtainí amach romhainn lena chinntiú go ndéantar próiseáil ar chásanna faofa chun íocaíocht a fháil chomh sciobtha agus is féidir.
Tá líon na n-íocaíochtaí agus iomlán na n-íocaíochtaí in aghaidh an chontae leagtha amach thíos.
| Contae | Tréada | Iomlán |
| Ceatharlach | 84 | €235,063.50 |
| An Cabhán | 1 | €931.00 |
| An Clár | 1 | €3,206.00 |
| Corcaigh | 115 | €272,281.75 |
| Dún na nGall | 6 | €9,315.25 |
| Baile Átha Cliath | 27 | €92,515.50 |
| Gaillimh | 10 | €23,684.50 |
| Ciarraí | 10 | €21,456.75 |
| Cill Dara | 54 | €165,709.22 |
| Cill Chainnigh | 38 | €91,854.00 |
| Laois | 30 | €84,666.75 |
| Liatroim | ||
| Luimneach | 6 | €14,918.75 |
| An Longfort | 3 | €4,298.00 |
| An Lú | 40 | €83,658.75 |
| Maigh Eo | ||
| An Mhí | 41 | €105,621.25 |
| Muineachán | 3 | €5,369.00 |
| Uíbh Fhailí | 16 | €34,431.25 |
| Ros Comáin | ||
| Sligeach | ||
| Tiobraid Árann | 33 | €87,202.50 |
| Port Láirge | 10 | €24,032.75 |
| An Iarmhí | 13 | €28,892.50 |
| Loch Garman | 183 | €434,045.50 |
| Cill Mhantáin | 34 | €87,855.25 |
| 758 | €1,911,009.72 |
Is féidir le feirmeoirí glaoch ar an Deasc Chabhrach ag 057-8674422. Is féidir le feirmeoirí aon fhiosruithe a d’fhéadfadh a bheith acu a chur isteach ar líne freisin trí www.agfood.ie nó ríomhphost a sheoladh chuig tillage@agriculture.gov.ie