“Tá sé tábhachtach go n-éistfimid le feirmeoirí chun a gcuid imní faoi na saincheisteanna a bhfuil an tionchar is mó acu ar a saol laethúil a thuiscint. Cuirfidh an suirbhé seo an bonn fianaise ar fáil is gá chun éifeachtacht na dtionscnamh sábháilteachta, sláinte agus folláine feirmeoirí atá ann cheana a fheabhsú agus cuirfidh sé eolas ar fáil d’fhorbairt beartais amach anseo a dhíreoidh níos fearr ar riachtanais chuimsitheacha phobail feirmeoireachta na hÉireann. Impím ar gach feirmeoir agus ar gach duine a chabhraíonn ar fheirmeacha an t-am a thógáil chun an suirbhé a chomhlánú."

“Beidh torthaí an tsuirbhé seo thar a bheith tábhachtach. Cuirfidh siad eolas ar fáil dúinn maidir leis an gcaoi a ndéanaimid cur chuige i leith sláinte agus sábháilteachta feirme. Cinnteoidh na torthaí go mbeidh beartais agus tacaíochtaí amach anseo d’fheirmeoirí agus do theaghlaigh feirmeoireachta spriocdhírithe, bunaithe ar fhianaise agus go dtabharfaidh siad aghaidh ar na príomhdhúshláin sábháilteachta, sláinte agus folláine arna sainaithint ag na feirmeoirí féin. Tacóidh siad le dearadh beart praiticiúil a fhéadfaidh sábháilteacht, sláinte agus folláine ár bhfeirmeoirí a fheabhsú mar chuid de straitéisí talmhaíochta atá ann cheana féin agus a bheidh ann amach anseo ar leibhéal áitiúil, náisiúnta agus AE.”

“Is príomhthosaíochtaí iad sábháilteacht feirmeacha agus folláine feirmeoirí don HSA i gcónaí. Trí chloisteáil go díreach ó fheirmeoirí tríd an suirbhé seo, is féidir linn tuiscint níos fearr a fháil ar na dúshláin atá rompu agus a chinntiú go bhfuil ár dtacaíochtaí, ár dtreoir agus ár dtionscnaimh praiticiúil, ábhartha agus éifeachtach. Tá comhoibriú idir gníomhaireachtaí ríthábhachtach, agus is céim thábhachtach í an suirbhé seo chun ár n-iarrachtaí comhroinnte a neartú chun an fheirmeoireacht a dhéanamh ina slí bheatha níos sábháilte agus níos sláintiúla do chách. Le 16 bás a bhain leis an obair ar fheirmeacha go dtí seo i mbliana, ní raibh an dúshlán seo níos práinní riamh.”