“Ar an drochuair, tá 20 eachtra mharfach deimhnithe ar fheirmeacha na hÉireann i mbliana agus trí cinn san earnáil iascaireachta. Is ábhar imní mór an méadú ar líon na dtimpistí marfacha. Is rómhinic a bhíonn teagmhas tromchúiseach nó marfach mar thoradh ar lagú tiúchana nó breithiúnais ar feadh tamaill. Cuirim mo chomhbhrón ó chroí in iúl do na teaghlaigh agus na cairde a d’fhulaing an cailliúint dochreidte duine muinteartha agus beidh a n-easpa le brath timpeall an bhoird an Nollaig seo”.

“Is am don teaghlach agus don scíth a ligean í an Nollaig, ach ní stopann an obair feirme riamh i ndáiríre. Táim ag impí ar gach feirmeoir roinnt ama a thógáil thar an Nollaig agus an Bhliain Nua le haghaidh seiceálacha sábháilteachta riachtanacha agus gealltanas a thabhairt cur chuige 'Sábháilteacht Ar dtús' a chur i bhfeidhm maidir le hobair feirme feasta. Aontaímid go léir nach féidir glacadh le líon na dteagmhas tromchúiseach agus marfach. Is eachtra amháin an iomarca fiú. Tá sé in am gníomhú agus rún na hAthbhliana a dhéanamh go mbeidh do fheirm ina háit shábháilte duit féin, do do theaghlach agus do gach duine a théann isteach sa chlós feirme agus sna páirceanna.”

"Léiríonn torthaí thionscadail seiceála sláinte feirmeoirí na bliana seo, arna maoiniú ag mo Roinn, go bhfuil go leor feirmeoirí ag cur obair feirme roimh a sláinte féin." Ní hamháin gur saibhreas ár sláinte, ach tá sí riachtanach don obair atá dian go fisiciúil agus go meabhrach ar an bhfeirm.

“Is féidir go mbeadh séasúr na Nollag deacair má tá tú ag streachailt le drochshláinte mheabhrach. Tá sé tábhachtach aire a thabhairt dá chéile agus tacaíocht a thairiscint más gá. Chomh maith le do dhochtúir teaghlaigh, tá acmhainní agus línte cabhrach den scoth ar fáil, agus molaim d’aon duine atá i ngátar gan streachailt leo féin, ach teagmháil a dhéanamh le haghaidh tacaíochta.”