“Léiríonn na figiúirí a fheicimid anois ón earnáil phríobháideach agus ó Coillte go bhfuil dlús mór curtha le láithreáin le crann leagtha ag an ngaoth a shaothrú le cúpla mí anuas. Tá níos mó ná 90% d’acmhainneacht saothraithe phríobháideach agus acmhainneacht saothraithe Coillte na tíre dírithe faoi láthair ar láithreáin le crainn leagtha ag an ngaoth. Leanann líon na buainteoirí sa tír de bheith ag méadú agus á n-úsáid sna foraoisí atá buailte ag an stoirm, agus tá cuid mhór den innealra á úsáid ar sheal dúbailte, rud a mhéadaíonn aschur na meaisíní.”

“Is dea-scéal é an méadú suntasach seo ar an acmhainneacht saothraithe d’úinéirí foraoise a bhfuil crainn ar an talamh acu. Mholfainn arís d'úinéirí foraoise comhairle ghairmiúil a lorg ó fhoraoiseoir cláraithe nó ó chomhairleoir foraoiseachta áitiúil Teagasc. Ba cheart d’úinéirí foraoise a bhfuil tionchar ag crainn leagtha ag an ngaoth orthu a áirithiú go bhfuil conradh maith agus córas maith slándála adhmaid i bhfeidhm acu.”

“Tá Conradh Díolacháin Adhmaid tábhachtach chun leasanna gach páirtí a chosaint. Níor chóir aon adhmad a bhaint as foraois mura bhfuil conradh i bhfeidhm. Chomh maith leis sin, tá sé tábhachtach Córas Seolta Díolacháin Adhmaid a bheith ann le haghaidh slándála agus cuntasachta maidir le gluaiseacht adhmaid ón bplandáil. Tá Córas Seolta Díolacháin Adhmaid samplach ar fáil ar shuíomh gréasáin Cumann Saothróirí Adhmaid na hÉireann