Maoiniú €300,000 do thionscadail Turasóireachta Agraibhia fógartha ag an Aire Heydon agus an Aire Grealish
- Foilsithe: 29 Bealtaine 2025
- An t-eolas is déanaí: 29 Bealtaine 2025
D’fhógair an tAire Talmhaíochta, Bia agus Mara, Martin Heydon TD, go bhfuil maoiniú de thart ar €300,000 bronnta ar 22 tionscadal turasóireachta agraibhia áitiúil.
Tá an maoiniú á chur ar fáil faoin gCiste Nuálaíochta agus Forbartha Tuaithe 2025 atá á oibriú ag an Roinn Talmhaíochta, Bia agus Mara.
Ag labhairt dó faoin maoiniú, dúirt an tAire Heydon:
“Tá áthas orm na tionscadail rathúla a fuair maoiniú i ndiaidh phróiseas tairisceana na Turasóireachta Agraibhia do 2025 a fhógairt . ” Is iontach an rud é a bheith in ann tacú leis na tionscnaimh seo agus cur leis an dul chun cinn atá déanta cheana féin”.
Chuir an tAire i dtábhacht freisin:
"Léiríonn mór-raon geografach na dtionscadal i mbliana an spéis atá san earnáil, forbairt na turasóireachta agraibhia agus a thábhacht do phobail ar fud na tíre. Inár dtreochlár 10 mbliana don earnáil talmhaíochta, Fís Bia 2030, tugtar aird ar an sineirgíocht nádúrtha idir agraibhia agus turasóireacht áitiúil.”
Mar fhocal scoir, chuir an tAire Heydon i dtábhacht :
“Leis an turasóireacht agraibhia i gceantair thuaithe tugtar deis dár gcuideachtaí bia iontacha de gach méid a muintir, a dtírdhreach, a stair agus a gcultúr a thaispeáint trí tháirgí talmhaíochta, bia agus deoch agus ealaín na cócaireachta áitiúla.” Ina theannta sin, cuireann sé deiseanna ar fáil do ghnólachtaí tuaithe, lena n-áirítear feirmeoirí, táirgeoirí agus ceardaithe, a gcuid táirgí agus seirbhísí a fhorbairt, a ngnólachtaí a éagsúlú, nascadh leis an bpobal áitiúil, fáilte a chur roimh chuairteoirí agus scileanna agus dea-chleachtas a fheabhsú.”
Dúirt Noel Grealish an tAire Stáit a bhfuil freagracht air maidir le cur chun bia :
"Ba mhaith liom comhghairdeas a dhéanamh leis na tionscadail ar fad ar éirigh leo i bpróiseas tairisceana Turasóireachta Agraibhia na bliana seo." Léiríonn an líon mór iarratas a cuireadh isteach an fonn atá san earnáil seo ar fhiontair nuálacha agus chomhoibríocha sa réimse seo. Tá an iomaíocht ar fáil don mhaoiniú faoin gclár seo dian agus ba chóir comhghairdeas a dhéanamh leo siúd a raibh rath orthu as a gcuid moltaí agus as a gcuid tionscadal atá le teacht. Guím gach rath ar gach duine a bhí páirteach ina n-imeachtaí agus táim cinnte go gcuideoidh siad le cur chun cinn an bhia iontach a tháirgeann an tír seo bliain i ndiaidh bliana.”
Nótaí don Eagarthóir
Go ginearálta, is éard is turasóireacht agraibhia ann ná cleachtas gníomhaíochta nó gníomhaíochtaí a thairiscint mar chuid de chuairt ar cheantair ina bhfuil táirgí talmhaíochta aitheanta agus chun blas a fháil ar an ealaín chócaireachta áitiúil nó réigiúnach nó ar speisialtachtaí. Áirítear le turasóireacht agraibhia réimse leathan gníomhaíochtaí a bhaineann leis na naisc idir an talmhaíocht agus an bia a tháirgtear ar an leibhéal áitiúil nó réigiúnach. D’fhéadfadh sé go mbeadh fanacht ar an bhfeirm nó cuairt a thabhairt ar chosáin agus imeachtaí bia, páirt a ghlacadh i dtionscadail talmhaíochta nó táirgí a cheannach go díreach ó fheirm nó ó mhargadh i gceist. Cuimsíonn turasóireacht agraibhia scéimeanna bia áitiúil, feirmeoirí agus ceardaithe a thacaíonn le táirgeoirí bia áitiúla agus séasúracha agus ceardaíocht agus atá péireáilte leo.
Tá maoiniú curtha ar fáil do na tionscnaimh rathúla seo a leanas:
Maoinithe go hiomlán
- Cromane Seafest, Contae Chiarraí - €25,000
- Wildacres Honey Tour, Contae Chill Mhantáin - €14,630
- Inishturk Community Club – Taste of Inishturk, Contae Mhaigh Eo - €16,800
- Hannah Quinn Mulligan, Tory Hill House Farm Shop, Cill Mocheallóg, Contae Luimnigh, - €6,458
- Boyne Valley Food Heroes, Contae na Mí - €13,317
- Taste of Sligo Food Festival, Baile Shligigh - €10,500
- Páirc Darach, Ráth Bhoth, Contae Dhún na nGall – Donegal Festival of Food - €23,689
- Comhairle Contae Chill Dara Naas Farmers Market - €17,650
- CLF an Chúil Thiar, Cluain Bur, Co. na Gaillimhe - Farm to Food Experience - €9,884
- Ionad Cuairteoirí Loch Gur, Eispéireas Bia agus Ceardaíochta, An Brú, Co. Luimnigh, - €24,000
- Stephen Pratt Maize Maze, Mainistir Laoise, Co. Laoise - €23,800
Maoinithe i bPáirt
- Comhairle Contae an Chabháin (Cavan Food Network) - €10,000
- Destination Lough Derg (Comhairle Contae Thiobraid Árann) - €10,000
- Comhairle Contae Chill Chainnigh (Taste Kilkenny) - €10,000
- Comhairle Contae Mhuineacháin (Food Destination Promotion) - €10,000
- Taste Experiences Waterford - €10,000
- Elmgrove Flower Farm, Baile Gormáin, Co. na Mí – Daffodil Festival 2026 - €10,000
- Boyne Valley School of Food Culture, Co. na Mí – Féile na Samhna - €10,000
- Ailbhe Gerard, Field Exchange, An tAonach, Co. Thiobraid Árann – Food and Craft Festival - €10,000
- Tipperary Food Producers Network - Turasóireacht Bia - €10,000
- Common Knowledge Centre, Cill Fhionnúrach, Co. Chláir – Imeachtaí Talaimh agus Seanchais - €10,000