Fógraíonn an tAire Heydon €183.2 milliún d'íocaíochtaí faoi Scéim na Limistéar faoi Shrianta Nádúrtha
- Foilsithe: 13 Deireadh Fómhair 2025
- An t-eolas is déanaí: 13 Deireadh Fómhair 2025
D'fhógair an tAire Talmhaíochta, Bia agus Mara, Martin Heydon TD, inniu go bhfuil tús curtha le híocaíochtaí faoi scéim na Limistéar faoi Shrianta Nádúrtha (ANC) a eisiúint d'fheirmeoirí.
Ag labhairt faoin bhfógra, dúirt an tAire Heydon:
“Tá an-áthas orm a fhógairt gur eisíodh réamhíocaíochtaí dar luach €183.2 milliún san iomlán chuig 86,985 feirmeoir faoi scéim ANC. Cloch mhíle shuntasach a baineadh amach is ea tús a chur le híocaíochtaí inniu agus tá siad i gcomhréir leis na dátaí a comhaontaíodh i gCairt na bhFeirmeoirí.”
Dúirt an tAire freisin:
“Tá scéim ANC ríthábhachtach do theaghlaigh feirme, agus is eol dom a thábhachtaí atá sé íocaíochtaí a dhéanamh le hiarratasóirí chomh tapa agus is féidir. Le heisiúint na n-íocaíochtaí sin i lár mhí Mheán Fómhair, leagtar béim ar ár ngealltanas íocaíochtaí a dhéanamh le feirmeoirí a luaithe is féidir.
“Beidh íocaíochtaí le feiceáil i gcuntais bhainc na bhfeirmeoirí sna laethanta amach romhainn, agus leanfaidh mo Roinn de phróiseáil a dhéanamh, mar ábhar práinne, ar gach cás atá fágtha le haghaidh íocaíochta de réir mar a chomhlíonann siad critéir na scéime.”
Dheimhnigh an tAire Heydon freisin go bhfuil a Roinn ar an mbóthar ceart chun íocaíocht an airleacain 70% faoin Tacaíocht Bhunúsach Ioncaim don Inbhuanaitheacht (BISS), agus Tacaíocht Ioncaim Fhorlíontach don Inbhuanaitheacht (CRISS) a éascú ón 16 Deireadh Fómhair 2025, agus íocaíochtaí faoin Éiciscéim ón 23 Deireadh Fómhair 2025.
Nóta don Eagarthóir
I gcomhréir le socrú na bliana seo caite, is réamhíocaíocht 85% ar Scéim ANC iad na híocaíochtaí atá á n-eisiúint faoi láthair. Tá an 15% d'íocaíochtaí comhardaithe le tosú go luath i mí na Nollag.
I gcomhréir leis na blianta roimhe seo, ní dhéantar gach iarratas a imréiteach faoi láthair le haghaidh íocaíochta faoi Scéim ANC. Leanfar ar aghaidh le tréimhsí rialta pá sna seachtainí amach romhainn chun a chinntiú go bpróiseálfar cásanna imréitithe le haghaidh íocaíochta chomh tapa agus is féidir. Ba cheart d’fheirmeoirí aon fhianaise atá fós gan réiteach chun tacú lena n-iarratas a chur faoi bhráid Oifig Phort Laoise na Roinne a luaithe is féidir chun luathscaoileadh na n-íocaíochtaí a éascú.
Teagmháil: Deasc Chabhrach um Íocaíochtaí Díreacha 057 8674422.
Is féidir le feirmeoirí aon cheisteanna a d'fhéadfadh a bheith acu a chur isteach ar líne trí MyAgFood.ie.
Tá baill foirne ó Rannóg ANC ar fáil freisin ag an gCraobhchomórtas Náisiúnta Treabhdóireachta chun aon cheisteanna a fhreagairt.
|
Contae |
Iarratasóirí Íoctha |
Ollmhéid Íoctha |
|
Ceatharlach |
709 |
€1,426,499 |
|
An Cabhán |
4,096 |
€8,169,591 |
|
An Clár |
5,188 |
€11,513,096 |
|
Corcaigh |
6,473 |
€14,813,058 |
|
Dún na nGall |
7,035 |
€17,055,983 |
|
Baile Átha Cliath |
125 |
€288,415 |
|
Gaillimh |
9,627 |
€20,305,936 |
|
Ciarraí |
6,084 |
€14,805,735 |
|
Cill Dara |
540 |
€881,578 |
|
Cill Chainnigh |
1,534 |
€3,020,288 |
|
Laois |
1,470 |
€2,772,320 |
|
Liatroim |
2,924 |
€6,545,902 |
|
Luimneach |
3,918 |
€7,360,169 |
|
An Longfort |
2,033 |
€3,951,894 |
|
Lú |
624 |
€970,371 |
|
Maigh Eo |
9,050 |
€19,668,921 |
|
An Mhí |
1,310 |
€2,189,421 |
|
Muineachán |
3,433 |
€6,143,213 |
|
Uíbh Fhailí |
2,087 |
€3,827,344 |
|
Ros Comáin |
4,831 |
€9,758,744 |
|
Sligeach |
3,330 |
€7,132,624 |
|
Tiobraid Árann |
4,135 |
€8,204,665 |
|
Port Láirge |
1,197 |
€2,467,251 |
|
An Iarmhí |
2,436 |
€4,377,872 |
|
Loch Garman |
1,306 |
€2,196,908 |
|
Cill Mhantáin |
1,490 |
€3,426,678 |
|
Iomlán |
86,985 |
€183,274,476 |