“Is fiontar spreagúil rathúil í an fheirmeoireacht shóisialta a théann chun tairbhe do dhaoine aonair, do theaghlaigh agus don tsochaí i gcoitinne. Is é an cleachtas atá ann rannpháirtíocht feirmeoireachta agus gairneoireachta a thairiscint, ar bhonn deonach, i dtimpeallacht chuí do dhaoine a bhaineann leas as réimse seirbhísí tacaíochta lae teiripeacha. Reáchtáiltear na hoibríochtaí seo i roinnt suíomhanna, ó fheirmeacha teaghlaigh oibre agus tionscnaimh phobail áitiúla go creataí níos institiúidí. Is úsáideoirí seirbhísí míchumais agus meabhairshláinte iad formhór na rannpháirtithe. Trí obair iontach an Líonra, áfach, fuarthas rannpháirtithe freisin ó earnálacha eile amhail cláir óige atá i mbaol, seirbhísí easpa dídine, cláir oideachais, seirbhísí cúraim do dhaoine scothaosta agus eile. Is soláthraithe seirbhíse a bhfuil taithí acu iad Cuideachta Forbartha Comhtháite Liatroma CLG a bhfuil sé de chumas agus d’fhís acu clár oibre saincheaptha a fhorbairt agus a chur chun feidhme chun tacú leis an bhfeirmeoireacht shóisialta ar an leibhéal náisiúnta.”