Fógraíonn an tAire Heydon oscailt an phróisis iarratais le haghaidh athsholáthar díonta sa Scéim Nuachóirithe Talmhaíochta Spriocdhírithe
- Foilsithe: 19 Nollaig 2025
- An t-eolas is déanaí: 23 Nollaig 2025
Deimhníonn an tAire Heydon líon na n-iarratas a fuarthas i dTráinse 10 freisin.
D’fhógair an tAire Talmhaíochta, Bia agus Mara, Martin Heydon TD, inniu go bhfuil an tsaoráid oscailte anois chun iarratais a chur isteach maidir le hathsholáthar díonta faoin Scéim Nuachóirithe Talmhaíochta Spriocdhírithe (TAMS 3).
Dúirt an tAire Heydon:
“Tá áthas an domhain orm a dhearbhú go bhfuil an próiseas chun iarratais a chur isteach le haghaidh athsholáthar díonta oscailte anois. Beidh tacaíocht deontais ar fáil do na hinfheistíochtaí seo faoi bheart Sábháilteachta Feirme TAMS. Tá sonraí iomlána na gceanglas maidir leis na hinfheistíochtaí seo, agus téarmaí agus coinníollacha nuashonraithe, ar fáil anois ar shuíomh gréasáin mo Roinne.”
Dúirt an tAire freisin:
“Mholfainn d’fheirmeoirí scrúdú a dhéanamh ar na tacaíochtaí nua atá curtha ar fáil agam faoin Scéim Infheistíochta Caipitil um Shábháilteacht Feirme.” Ba chóir d’fheirmeoirí measúnú a dhéanamh ar a bhfoirgnimh feirme lena chinntiú go mbeidh na struchtúir uile in ann seasamh in aghaidh imeachtaí aimsire amach anseo. I gcás ina bhfaightear amach nach bhfuil struchtúir slán, mholfaidh mé d’fheirmeoirí an obair riachtanach a dhéanamh chun na foirgnimh a dhéanamh sábháilte.”
Agus fáilte á cur aige roimh an bhfógra, dúirt an tAire Stáit atá freagrach as Foraoiseacht, Sábháilteacht Feirme agus Gairneoireacht, Michael Healy-Rae TD:
“Tá áthas orm go bhfuil díonta athsholáthair á gcur leis faoin ngné sábháilteachta feirme de TAMS 3. Mholfainn do gach feirmeoir a bhaineann leas as an mbeart na maoirseoirí tionscadail riachtanacha a cheapadh chun a chinntiú go ndéantar an obair ar bhealach sábháilte, ag baint úsáideas trealamh cuí agus conraitheoirí a bhfuil taithí acu chun an díon atá ann cheana a bhaint agus an díon athsholáthair a thógáil.”
Cuireadh 7,906 iarratas isteach san iomlán i dtráinse 10 de TAMS 3, a dhún le haghaidh iarratas ar an 5 Nollaig. Tugann sé seo líon iomlán na n-iarratas faoi TAMS 3 go 59,302.
Mar fhocal scoir, dúirt an tAire Heydon:
“Léiríonn an líon ollmhór iarratas a fuarthas sa chuid is déanaí seo go dtí seo faoi TAMS 3 an tábhacht a bhaineann leis an scéim seo don earnáil feirmeoireachta, rud a chuirfidh ar chumas infheistíocht a dhéanamh i raon áiseanna ar a gcuid feirmeacha. Bhí TAMS, agus tá sé fós, ina scéim thar a bheith rathúil agus tairbheach don phobal feirmeoireachta agus don gheilleagar tuaithe i gcoitinne. Tá sé tar éis nuachóiriú ríthábhachtach, feabhsuithe comhshaoil agus sábháilteachta a sholáthar do na mílte feirm ar fud na tíre."
Nóta don Eagarthóir
Tá an Scéim Nua-Chóiriúcháin Talmhaíochta Spriocdhírithe comhchistithe ag an Státchiste Náisiúnta agus ag an gCiste Eorpach Talmhaíochta um Fhorbairt Tuaithe (CETFT) de chuid an Aontais Eorpaigh faoi Plean Straitéiseach CBT na hÉireann 2023–2027.
Faoin Scéim Infheistíochta Caipitil ar an bhFeirm, ar a dtugtar an Scéim Nua-Chóiriúcháin Talmhaíochta Spriocdhírithe 3, tá 11 scéim ar leith ann. Seo a leanas iad:
- An Scéim um Leas Ainmhithe agus um Stóráil Cothaitheach (SLASC) agus ráta deontais 40% ann, agus uasteorainn infheistíochta €90,000 ann
- An Scéim Infheistíochta Caipitil Curaíochta (SICC) agus ráta deontais 40% ann, agus uasteorainn infheistíochta €90,000 ann.
- An Scéim Infheistíochta Caipitil Muc agus Éanlaith (SICMÉ) agus ráta deontais 40% ann, agus uasteorainn infheistíochta €500,000 ann
- An Scéim Infheistíochta Caipitil Curaíochta (TCIS) agus ráta deontais 40% ann, agus uasteorainn infheistíochta €90,000 ann.
- An Scéim Infheistíochta Caipitil d’Fheirmeoirí Óga (SICFÓ) agus ráta deontais 60% ann, agus uasteorainn infheistíochta €90,000 ann
- An Scéim Infheistíochta Caipitil do Bhanfheirmeoirí (SICB) agus ráta deontais 60% ann, agus uasteorainn infheistíochta €90,000 ann.
- An Scéim Infheistíochta Caipitil um an bhFeirmeoireacht Orgánach (SICFO) agus ráta deontais 60% ann, agus uasteorainn infheistíochta €90,000 ann
- An Scéim Infheistíochta Caipitil um Shábháilteacht Feirme (SICSF) agus ráta deontais 60% ann, agus uasteorainn infheistíochta €90,000 ann.
- An Scéim Infheistíochta Caipitil Gréine (SICG) agus ráta deontais 60% ann, agus uasteorainn infheistíochta €90,000 ann atá ar leithligh ó na scéimeanna eile.
- An Scéim Scaipthe Sciodair Íseal-Astaíochtaí (SSSÍA) agus ráta deontais 60% ann, agus uasteorainn infheistíochta €40,000 ann atá ar leithligh ó na scéimeanna eile
- An Scéim Iompórtála agus Stórála Cothaitheach (SISC) agus ráta deontais 70% ann, agus uasteorainn infheistíochta €90,000 ann atá ar leithligh ó na scéimeanna eile
Faigh rochtain ar an réimse iomlán infheistíochtaí agus ar na Doiciméid um Chostas Tagartha.
Féach sonraíochtaí le haghaidh athsholáthar díonta – S101R - TAMS - Sonraíochtaí Foirgnimh agus Struchtúir Feirme
Ba chóir fiosrúcháin theicniúla maidir leis na sonraíochtaí a chur isteach trí ríomhphost ag an seoladh ríomhphoist seo: tams@agriculture.gov.ie
Maidir le gach ceist eile faoin Scéim Nua-Chóiriúcháin Talmhaíochta Spriocdhírithe, déan teagmháil le Riarthóir Scéim Nua-Chóiriúcháin Talmhaíochta Spriocdhírithe 3 ar 053 9163425
Is féidir le conraitheoirí a gcuid eTC agus cód rochtana a chlárú trí ríomhphost a sheoladh chuig: TAMScontractors@agriculture.gov.ie.