Ceapann an tAire Heydon Cathaoirleach nua ar Bhord Graí Náisiúnta na hÉireann
- Foilsithe: 24 Aibreán 2026
- An t-eolas is déanaí: 24 Aibreán 2026
Tá an tAire Talmhaíochta, Bia agus Mara, Martin Heydon TD, tar éis David Mongey a cheapadh inniu mar Chathaoirleach ar Bhord Ghraí Náisiúnta na hÉireann.
Rinne an tAire Heydon comhghairdeas le hUasal Mongey faoina cheapachán:
“Tá áthas orm an ceapachán seo a dhéanamh. Tá taithí fhairsing ag David ar thionscal na gcapall folaíochta agus ar earnáil na turasóireachta, agus tá cur amach maith aige ar ghníomhaíochtaí an Ghrí trína ról reatha mar Chathaoirleach ar Choiste Iniúchta agus Riosca an Ghrái Náisiúnta. Guím gach rath ar David le linn a thréimhse oifige agus táim ag súil le bheith ag obair go dlúth leis sna cúig bliana amach romhainn.”
Tagann David Mongey i gcomharbacht ar an nach maireann Dan Flinter mar Chathaoirleach. Ag tabhairt ómóis dá rannchuidiú leis an nGraí Náisiúnta, dúirt an tAire:
“Bhí sé de phribhléid againn Dan a bheith ina Chathaoirleach ar Bhord an Ghrái Náisiúnta ó 2023, tráth a rinne sé rannchuidiú suntasach le hobair an Ghrái Náisiúnta agus le tionscal na gcapall folaíochta in Éirinn.”
Ceapadh an tUasal Mongey ina Chathaoirleach ar an nGraí Náisiúnta tar éis próiseas roghnúcháin iomaíoch a bhí faoi stiúir Publicjobs.
Nótaí d’Eagarthóirí
Is é David Mongey Príomhfheidhmeannach agus úinéir Mongey Communications.
Is é Cathaoirleach Reatha Ráschúrsa Phuncheastáin é, áit ar imir sé ról lárnach i bhforbairt rathúil na saoráide do ghníomhaíochtaí rásaíochta agus neamh-rásaíochta araon.
Bhí sé ina Chathaoirleach ar Chill Dara Fáilte roimhe seo, an comhlacht turasóireachta a fhaigheann tacaíocht ó Chomhairle Contae Chill Dara chun an contae a chur chun cinn go náisiúnta agus go hidirnáisiúnta.
Is comhlacht leathstáit tráchtála é Graí Náisiúnta na hÉireann atá lonnaithe i dTulach, Contae Chill Dara. Bunaíodh é go foirmiúil faoin Acht Graí Náisiúnta, 1945, chun cuidiú le tionscal stoc fola na hÉireann a chur chun cinn.
Tá an misean sin curtha i gcrích ag an nGraí Náisiúnta le blianta fada trí stailíní a cheannach lena gcur ar fáil do phóraitheoirí capaill folaíochta ar rátaí iomaíocha.
Maidir le stoc fola, tá an Graí Náisiúnta ar cheann de na 30 díol spéise turasóireachta íoctha is mó le rá in Éirinn, agus cuireann sé fáilte roimh bhreis agus 140,000 cuairteoir gach bliain chuig an nGraí Náisiúnta agus chuig na Gairdíní Seapánacha clúiteacha.