“Is tograí reachtacha casta iad seo a mbeidh mionmhachnamh ag teastáil ina leith. Tá athruithe móra ar an struchtúr á moladh ag an gCoimisiún agus déanfaimid mionstaidéar orthu anois chun tuiscint níos fearr a fháil ar an tionchar ar Éirinn.”

“Is é an tosaíocht a bheidh agam i rith an ama a chinntiú go léireofar leis an reachtaíocht a comhaontaíodh ar deireadh ábhair imní na hÉireann agus go gcuirfear cinnteacht agus cobhsaíocht ar fáil d’fheirmeoirí, d’iascairí agus do phobail tuaithe.”

“Níl i bhfoilseachán an lae inniu ach tús próisis fhada. Cuirfidh na Ballstáit tús, trí Chomhairle na nAirí, leis an bpróiseas chun teacht ar chomhaontú maidir le cur chuige ginearálta i leith na dtograí ón gCoimisiún, sula rachaidh siad i mbun caibidlíocht ar aon dul le Parlaimint na hEorpa agus leis an gCoimisiún Eorpach. Tógfaidh sé seo roinnt ama, agus táim ag súil go hiomlán go mbeidh dul chun cinn na dtograí seo ina ghné shuntasach d’Uachtaránacht na hÉireann ar Chomhairle an AE sa dara leath den bhliain seo chugainn.”

“Oibreoidh mé go dlúth le mo chontrapháirtithe san Aontas, leis an gCoimisinéir um Thalmhaíocht agus Bia, Christophe Hansen, agus le páirtithe leasmhara, lena n-áirítear comhlachtaí feirme, chun a áirithiú go mbainfear na cuspóirí sin amach.”

“Déanfaidh mé an chéad chruinniú de Choiste Comhairleach CBT na hÉireann a óstáil amárach, agus déanfar mionphlé ar na tograí seo.”