Cuardaigh ar fad gov.ie

Preasráitis

Leabhrán nua aitheantais agus inrianaitheachta eachaí seolta ag an Aire Heydon

Sheol an tAire Talmhaíochta, Bia agus Mara, Martin Heydon TD, leabhrán nua dar teideal ‘Gach ní mór duit a bheith ar an eolas faoi Shainaithint agus Inrianaitheacht Eachaí’. Is é an foilseachán seo, a cuireadh i láthair ag Seó Capall Bhaile Átha Cliath, an gníomh is déanaí faoi phlean an Aire chun córas inrianaitheachta eachaí na hÉireann a fheabhsú bunaithe ar mholtaí thuarascáil an Ollaimh Paddy Wall. Is é is cuspóir dó tacú le húinéirí agus coimeádaithe capall agus le gach duine a bhfuil baint acu leis an earnáil eachaí a n-oibleagáidí dlíthiúla i ndáil le hinrianaitheacht a chomhlíonadh. Cuireann an leabhrán faisnéis shoiléir agus inrochtana ar fáil faoi chúig phríomh-cheannteideal:

  1. Sainaithint agus Clárú
  2. Taifid a choimeád
  3. Capaill a cheannach agus a dhíol
  4. Gluaiseacht idirnáisiúnta capall
  5. Deireadh Saoil

Agus an leabhrán á sheoladh aige, labhair an tAire Heydon faoin gcúis gurbh é Seó Capall Bhaile Átha Cliath an t-imeacht foirfe don tionscnamh seo:

“Is bunchloch d’fhéilire eachaíochta na hÉireann é Seó Capall Bhaile Átha Cliath agus is taispeántas tábhachtach idirnáisiúnta é do thallann den chéad scoth ár n-earnála capall spóirt. Tá cáil na hÉireann as na caighdeáin is airde póraithe agus feidhmíochta bunaithe ar an gcáil atá orainn mar náisiún a bhfuil grá ag capaill di agus atá tiomanta do leas na n-each. Ciallaíonn cosaint an chlú seo a chinntiú go bhfuil na caighdeáin leasa is airde ag ár gcapaill go léir agus ní féidir é seo a dhéanamh ach trí inrianaitheacht láidir. Tá an leabhrán nua seo mar chuid de thiomantas leanúnach mo Roinne feabhas a chur ar ár gcóras inrianaitheachta eachaí ionas go gcinnteofar an cháil atá tuillte againn as capaill ardcháilíochta a bhfuil cúram maith orthu a tháirgeadh.”

Tá an leabhrán ar fáil anois i bhformáidí clóite agus digiteacha araon agus beidh sé ar fáil ag an Seó Capall trí pháirtithe leasmhara ábhartha lena n-áirítear Horse Sport Ireland, Bord Capall na hÉireann agus Teagasc.

Tá an leagan digiteach den leabhrán ar fáil ag Capaill (www.gov.ie).

Minister Heydon Equine Traceability Booklet1
Minister Heydon launches new equine identification and traceability booklet

Is ann don fhoirm seo d’aiseolas, agus sin amháin, a bhaineann leis an leathanach reatha.

Ná cuir faisnéis phearsanta ná airgeadais san áireamh.

Chun gov.ie a fheabhsú, déanfar anailís ar an bhfaisnéis a chuireann tú isteach agus ní thabharfar freagra uirthi ar bhonn indibhidiúil.

Conas mar a bhí d’eispéireas ar an leathanach reatha? (ag teastáil)

Tá 400 carachtar fágtha agat