“Is é fócas an mhisin trádála seo ná dea-cháil na hÉireann i réimse an agraibhia a fhorbairt agus a chur chun cinn i bPoblacht na Cóiré agus sa tSeapáin, agus i réigiún na hÁise i gcoitinne. Beidh cuairt á tabhairt ar Seoul Food, an taispeántas idirnáisiúnta is mó sa Chóiré do thionscal an bhia, na dí, na n-óstán agus na seirbhísí bia, agus ar Expo 2025 in Osaka mar chuid den mhisean trádála. Meastar go meallfaidh sé níos mó ná 28 milliún cuairteoir, agus beidh 160 tír páirteach ann. Cuirfidh sé deiseanna ardphróifíle ar fáil chun Éire a chur i láthair mar fhoinse bia ardchaighdeáin, lena n-áirítear táirgí déiríochta, feoil, bia mara, deochanna, bianna ullmhaithe do thomhaltórí agus comhábhair bia, rud a shásóidh an t-éileamh atá ag fás ar na táirgí den sin sa réigiún seo.

“Fuair mairteoil na hÉireann rochtain ar mhargadh na Cóiré in 2024, éacht nach beag. Bhí áthas orm a bheith i Seoul i mí Mheán Fómhair seo caite le haghaidh seoladh Mhairteoil na hÉireann ar an margadh. An tseachtain seo, dírítear ar na caidrimh den scoth, idir caidrimh oifigiúla agus caidrimh thráchtála, atá forbartha againn i bPoblacht na Cóiré agus sa tSeapáin a neartú agus a leathnú.

“Is í Poblacht na Cóiré an margadh mairteola is luachmhaire san Áise agus ba cheart í a mheas mar dheis fhadtéarmach, chobhsaí do thionscal mairteola na hÉireann, go háirithe na cuideachtaí sin a sholáthraíonn gearrthacha Éireannacha ina bhfuil na cnámha amhail gearreasnacha a bhfuil tóir orthu i mbialanna barbeiciú sa Chóiré.”

“Tá a fhios againn ón Taighde ar Thomhaltóirí na Cóiré a rinne Bord Bia in 2024 go bhfuil de cháil ar mhairteoil ó bha atá cothaithe ar fh é ir go bhfuil sí ‘sláintiúil’ agus gur rogha níos ‘nádúrtha’ atá inti do thomhaltóirí agus go meastar í a bheith ina táirge ardchaighdeáin.” Fágann sé seo go bhfuil muid difriúil lenár n-iomaitheoirí sa mhargadh a dhíolann mairteoil ó bha atá cothaithe le grán, agus baineann muid leas as an tsainghné sin chun tomhaltóirí saibhre a shroicheadh.

Gné tábhachtach de na cinntí maidir le ceannacháin a dhéanann custaiméirí sa Chóiré Theas is ea slándáil an tsoláthair, gné ar féidir le hÉirinn í a chur ar fáil a bhuí leis na cleachtais feirmeoireachta Origin Green, lena n-áirítear a cláir dearbhaithe cáilíochta agus iniúchtaí rialta ar feirmeacha. Tá an misean trádála seo dírithe ar na cáilíochtaí seo a chur i dtábhacht agus luach a uasmhéadú do raon gearrthacha Éireannacha lenár gceannaitheoirí sa Chóiré Theas.”

“Baineann an misean trádála seo le caidrimh thrádála tábhachtacha atá ann cheana féin le custaiméirí a neartú agus díriú ar dheiseanna gnó nua, go háirithe i réimse na seirbhíse bia agus ar an leibhéal miondíola trí ardáin ríomhthráchtála.” Díreofar ach go háirithe ar thacú le cúig chuideachta feola Éireannacha i Seoul don taispeántas trádála Seoul Food, mar aon le cruinnithe gnó C-suite, agus é mar aidhm acu dul chun cinn a dhéanamh maidir le custaiméirí nua a ghnothú d'earnáil na mairteola.”

---

Nótaí d’Eagarthóirí