“Aithnítear agus cuirtear luach ar iarrachtaí feirmeoirí le blianta beaga anuas chun leibhéal an ghalair a laghdú. Mar thoradh air sin, tá mé in ann na tacaíochtaí airgeadais is féidir liom a chur ar fáil d’fheirmeoirí a leasú laistigh den leithdháileadh buiséadach atá ann don chlár seo. Ní fhéadfaí é seo a dhéanamh ach amháin mar gheall ar obair dhícheallach gach duine atá bainteach leis an gclár chun leibhéil an ghalair sa tréad náisiúnta a laghdú ó 2013 i leith.”

“Ba cheart an clár seo a mheas mar éacht mór, agus tá tacaíocht láidir faighte aige ó gach páirtí leasmhar. Mar sin féin, tá sé ríthábhachtach go dtabharfaimid toradh ar ár n-iarrachtaí uile trí stádas saor ón ngalar a bhaint amach. Ba mhaith liom buíochas a ghabháil le Sláinte Ainmhithe Éireann as an obair atá déanta aici ar an gclár ó bunaíodh é, agus impím ar gach páirtí leasmhar oibriú i gcomhar lena chéile chun díriú ar leibhéil an ghalair a laghdú tuilleadh i mbliana agus deireadh iomlán a chur leis an ngalar seo a luaithe is féidir.”