“Tá an trádáil ríthábhachtach d’earnáil agraibhia na hÉireann atá dírithe ar onnmhairiú. Is iad na Stáit Aontaithe an dara margadh is tábhachtaí d'agraibhia na hÉireann, agus luach €2 billiún ar easpórtálacha anuraidh. Tá buntáistí frithpháirteacha ag baint le caidreamh láidir trádála na hÉireann leis na Stáit Aontaithe do ghnólachtaí ar dhá thaobh an Atlantaigh.

“Ó mhí Aibreáin i leith, tá éiginnteacht mhór roimh ár ngnólachtaí bia agus dí maidir le beartas trádála na Stát Aontaithe amach anseo. Ciallaíonn an comhaontú sin deireadh a chur leis an éiginnteacht sin agus seachnaítear na bagairtí an-suntasach a bhaineann le cás ‘Gan Mhargadh.

“Dheimhnigh an tUachtarán von der Leyen gur uasráta taraife a bheidh sa ráta taraife 15 % a comhaontaíodh, gan aon chruachadh. Tá sé sin dearfach d’easpórtálacha ime na hÉireann go háirithe, a raibh ráta taraife breise 10% os a gcomhair ó mhí Aibreáin i leith, ráta a bhí cruachta ar tharaif 16% a bhí ann cheana.

“Thagair an tUachtarán von der Leyen freisin do tháirgí áirithe a bheith san áireamh i ráta taraife ‘nialas le niala’. Táim ag tnúth le níos mó sonraí a fheiceáil faoi seo sna laethanta amach romhainn.

“Beidh mé i dteagmháil le páirtithe leasmhara maidir le sonraí an chomhaontaithe.”

“Fáiltím roimh an toradh seo a thabharfaidh cinnteacht do ghnólachtaí bia agus dí na hÉireann a onnmhairíonn chuig margadh na Stát Aontaithe. In éineacht leis an Aire Heydon, le mo Roinnse agus le Bord Bia, leanfaidh mé de thacaíocht a thabhairt d’fhorbairt nua an mhargaidh agus d’iarrachtaí nua maidir le rochtain ar an margadh dár dtáirgí bia agus dí inbhuanaithe ar ardchaighdeán.”