“Deis iontach a bhí ann teagmháil a dhéanamh leis an Aire Frías agus le hoifigigh Mheicsiceo. Deis a bhí ann labhairt faoi cháilíocht bhia mara na hÉireann agus faoi phaisean agus tiomantas thionscal bia mara na hÉireann. Tá traidisiún fada ag Éirinn maidir le hiascaireacht mhara agus táirgeadh dobharshaothraithe, agus tá infheistíocht déanta ag an rialtas i dtodhchaí ár n-earnála tráchtála bia mara trí mheascán de mhaoiniú náisiúnta agus AE, ag soláthar na dtacaíochtaí atá ag teastáil ón tionscal agus ónár ngníomhaireachtaí muirí tiomnaithe chun a chinntiú go n-úsáidtear ár n-acmhainní muirí go hinbhuanaithe.

“Is dúshlán é don dá thír táirgeadh iascaigh agus dobharshaothraithe atá inbhuanaithe ó thaobh an gheilleagair agus an chomhshaoil de a áirithiú i ndomhan atá ag dul i ngleic le haeráid atá ag athrú. Táimid ag tnúth le tógáil ar an gcaidreamh atá againn le rialtas Stáit Yucatan, agus le rialtas cónaidhme Mheicsiceo freisin, agus le leanúint den chomhrá ar chuireamar tús leis inniu.”