Preasráiteas: Leagann an tAire Healy-Rae béim ar a thábhachtaí atá sé tacú le táirgeadh torthaí agus glasraí na hÉireann

Dúirt an tAire Stáit sa Roinn Talmhaíochta, Bia agus Mara, Michael Healy-Rae TD: Tá an-díomá orm a fháil amach go bhfuil ceann de na saothraithe cairéad is mó in Éirinn ag scor den táirgeadh an tseachtain seo. Léiríonn an nuacht imníoch seo go bhfuil freagracht ar gach duine sa bhiashlabhra tacú le táirgeadh agus táirgeoirí na hÉireann, lena n-áirítear ollmhargaí, comhdhlúiteoirí agus tomhaltóirí. Is é fírinne an scéil nach mór dúinn go léir táirgí Éireannacha a lorg agus torthaí agus glasraí á gceannach againn agus a bheith sásta praghas a íoc a chothóidh ár dtáirgeoirí gairneoireachta áitiúla. Bíonn tomhaltóirí ag brath ar ollmhargaí agus ar na comhdhlúiteoirí a sholáthraíonn iad chun praghsanna cothroma a íoc le saothróirí as a dtáirgí. Le praghas inbhuanaithe ar tháirgí, tá deis ann tacaíocht a thabhairt ag an am céanna do shaothraithe na hÉireann agus spleáchas na hÉireann ar allmhairí a laghdú.

Mar chuid de Straitéis Náisiúnta Gairneoireachta na hÉireann, tá Feirmeoirí Aontaithe na hÉireann chun tosaigh maidir le cairt mhiondíola a fhorbairt atá deartha chun feabhas a chur ar chaidrimh fhadtéarmacha agus ar thuiscint níos fearr idir saothróirí agus ollmhargaí. Tuigim go bhfuil forbairt na cairte ag dul ar aghaidh agus impím ar gach páirtí an dea-obair seo a chur chun cinn. Tuigim go bhfuil forbairt na cairte ag dul ar aghaidh agus molaim do gach páirtí an dea-obair seo a chur chun cinn.

Mar fhear gnó mé féin, is mór agam i ndáiríre na dúshláin a bhíonn roimh shaothraithe le teagmhais adhaimsire mar dhúshlán ar leith. Anuraidh bhí Storm Éowyn againn, i mbliana bhí báisteach gan staonadh againn a mhéadaigh na costais a bhaineann le barra fréimhe a bhaint as an talamh.

Maoiníonn mo Roinn roinnt tacaíochtaí do shaothraithe gairneoireachta tríd an Scéim um Chúnamh Infheistíochta d'Fhorbairt na hEarnála Gairneoireachta Tráchtála, tríd an Scéim um Chúnamh Infheistíochta don Nuálaíocht agus don Éagsúlú sa Gairneoireacht, agus tríd an scéim um Eagraíocht Táirgeoirí, a sholáthraíonn tacaíochtaí AE d'infheistíochtaí, do thaighde agus d'agranamaíocht do shaothraithe torthaí agus glasraí.

Tá sonraí maithe ríthábhachtach chun gnó a reáchtáil agus tionscal a fhorbairt.Tá m'oifigigh ag déanamh an dara daonáireamh bliantúil ar líne ar an earnáil gairneoireachta faoi láthair. Gan staitisticí cruinne, ní féidir linn beartas agus tacaíochtaí eolasacha a fhorbairt. Déanfar na sonraí go léir a bhailítear a chomhiomlánú agus a anaithnidiú agus rinneadh na ceisteanna a shimpliú ionas nach dtógfaidh sé ach cúpla nóiméad iad a chomhlánú. Is deis é seo chun pictiúr cruinn a thógáil de na barra atá á bhfás in Éirinn agus cén luach a bhaineann leo.

Mholfainn do gach saothróir an daonáireamh a chomhlánú ag https://ec.europa.eu/eusurvey/runner/HorticultureCensus2025. Is é an 31 Márta 2026 an spriocdháta.