Ráitis N & P go dtí 31ú Deireadh Fómhair 2020 ar fáil anois

Tá sé fógartha ag an Roinn Talmhaíochta Bia, agus Mara go bhfuil ráitis eatramhacha Nítrigine agus Fosfair (Ráitis N & P) don tréimhse ó Mhí Eanáir go Mí Dheireadh Fómhair 2020 ar fáil anois ar chóras ar-líne na Roinne ag https://agfood.agriculture.gov.ie/sso-auth-ui-applicant/#/login

Tá na ráitis seo an-úsáideach d'fheirmeoirí le gur féidir pleanáil don chuid eile den bhliain, ionas gur féidir a chinntiú go bhfuiltear ag cloí le teorainneacha na Rialachán Níotráití, trína seachnófar pionóis mar gheall ar na teorainneacha 170 kg Nítrigine an heicteár nó an teorainn dóibh sin a bhfuil maolú faofa 250 kg Nítrigine an heicteár acu a bheith á sárú.

Is féidir le feirmeoirí nach bhfuil cláraithe le agfood.ie sin a dhéanamh trí logáil isteach ar https://agfood.agriculture.gov.ie/sso-auth-ui-applicant/#/loginagus trí chliceáil ar an gcnaipe 'Cláraigh'. Chun uimhir fóin póca a chlárú d’fholáirimh téacs SMS amach anseo téigh chuig https://www.agriculture.gov.ie/contactsupdates/

Críoch