Reáchtálfaidh an Roinn sraith Clinicí Feirmeoirí ar an láthair ar fud na tíre le haghaidh BISS 2024 agus scéimeanna eile a bhaineann le ceantar

D'fhógair an Roinn Talmhaíochta, Bia agus Mara sraith Clinicí Feirmeoirí ar an láthair inniu chun cabhrú le feirmeoirí a n-iarratais a dhéanamh ar líne ar an Liúntas Tacaíochta Ioncaim Bhunúsaigh don Inbhuanaitheacht (BISS) agus ar scéimeanna eile a bhaineann le ceantar.

Beidh Clinicí Feirmeoirí BISS ar siúl ó 10r.n.-4.30i.n. agus cuirfidh foireann ón Roinn tacaíocht duine le duine ar fáil chun cabhrú le feirmeoirí a n-iarratais scéime a chur isteach i bhfad roimh an dáta deiridh, is é sin an 15 Bealtaine 2024. Bhí an-tóir ag feirmeoirí ar na clinicí seo le blianta beaga anuas.

San iomlán, sceidealaítear 17 gClinic Feirmeoirí (féach an liosta iomlán thíos nó ag https://www.gov.ie/ga/foilsiuchan/7ce78-/?referrer=https%3A%2F%2Fwww.gov.ie%2Fagriculture%2Fevents) agus cuireann siad deis ar fáil d'fheirmeoirí tacaíocht a fháil ó fhoireann na Roinne chun réimse iarratas a dhéanamh a bhaineann le scéimeanna tacaíochta a bhaineann le ceantar, amhail BISS. Tá na clinicí seo úsáideach go háirithe d'fheirmeoirí nach bhfuil comhairleoir faofa FAS acu chun cabhrú leo lena n-iarratas.

DEIREADH

Nótaí d’Eagarthóirí

Is comhpháirtíocht é comhbheartas talmhaíochta an AE (CBT) idir an tsochaí agus an talmhaíocht a chinntíonn soláthar seasmhach beatha, a chosnaíonn ioncam na bhfeirmeoirí, a chosnaíonn an timpeallacht agus a choinníonn ceantair thuaithe beo bríomhar. Cuireann tíortha an AE an CBT i bhfeidhm ar leibhéal náisiúnta le Plean Straitéiseach CBT don tréimhse 2023-2027.

Dearadh an Liúntas Tacaíochta Ioncaim Bhunúsaigh don Inbhuanaitheacht (BISS) chun liúntas tacaíochta ioncaim dhírigh a chur ar fáil d’fheirmeoirí na hÉireann le bonn a chur faoina n-inbhuanaitheacht agus inmharthanacht leanúnach. Tá BISS maoinithe ag an Aontas Eorpach.

Le haghaidh tuilleadh faisnéise, téigh chuig https://www.gov.ie/ga/feachtais/42d53-new-cap/?referrer=https%3A%2F%2Fwww.gov.ie%2Fcap%2F