Seolann na hAirí McConalogue agus Heydon Mairteoil na hÉireann go hoifigiúil isteach i margadh na Cóiré
- Foilsithe: 6 Meán Fómhair 2024
- An t-eolas is déanaí: 12 Aibreán 2025
Sheol an tAire Talmhaíochta, Bia agus Mara, Charlie McConalogue, TD agus an tAire Stáit a bhfuil freagracht air maidir le Forbairt Margaidh Nua, Martin Heydon, TD, mairteoil na hÉireann go hoifigiúil isteach i margadh na Cóiré inniu (Dé hAoine) tar éis dóibh rochtain a dhaingniú i mBealtaine 2024. Ba phríomhthosaíocht do na hAirí rochtain ar an margadh a dhaingniú agus treisíonn seoladh oifigiúil an lae inniu an tábhacht agus an acmhainneacht a bhaineann le honnmhairí agraibhia a lorg sa mhargadh tábhachtach sin a fhás.
Dúirt an tAire McConalogue:
“Tá áthas orm ár mairteoil den scoth a sheoladh go foirmiúil isteach i margadh na Cóiré anseo inniu ó Phálás Deoksugung i Súl. Mar gheall ar an acmhainneacht ollmhór a léiríonn sí d'onnmhaireoirí na hÉireann mar an ceathrú allmhaireoir feola is mó ar fud an domhain, ainmníodh Poblacht na Cóiré mar spriocmhargadh tosaíochta do Mhairteoil na hÉireann. Tagann oscailt fhoirmiúil an mhargaidh mar thoradh ar obair dhíograiseach mo Roinne i gcomhar le hAmbasáid na hÉireann i Súl, Bord Bia, an Coimisiún Eorpach agus páirtithe leasmhara tionscail eile. Daingníodh rochtain i mí na Bealtaine 2024 tar éis mo chuairte ar an gCóiré i mí Dheireadh Fómhair seo caite mar chuid de mhisean trádála an Rialtais ar fad agus de na cruinnithe ardleibhéil a bhí ar siúl. Bíodh is go bhféadfadh sé gur oscail mé an doras le go dtosódh onnmhairiú, baineann an chuairt seo anois le tógáil ar ár gcaidrimh thrádála ionas gur féidir lenár n-onnmhaireoirí Agraibhia in Éirinn a lorg a bhunú agus a fhás i margadh na Cóiré.”
Dúirt an tAire McConalogue freisin:
“Is táirge uathúil iontach í ár mairteoil Éireannach, agus tá mé muiníneach go sáróidh sí ionchais thomhaltóirí na Cóiré maidir le bia ardchaighdeáin agus sábháilte. Ós rud é go bhfuil mairteoil na hÉireann féar-chothaithe den chuid is mó seachas a bheith cothaithe le gráin, mar is amhlaidh i gcodanna eile den domhan, tabharfaidh sé seo níos mó rogha do thomhaltóirí na Cóiré a éilíonn ardchaighdeáin i mbia sábháilte agus inbhuanaithe, cosúil le tomhaltóirí na hÉireann.”
Dúirt an tAire Stáit, Martin Heydon, a bhfuil freagracht air maidir le forbairt margaidh nua:
“Tá ríméad orm a bheith anseo i Súl le suntas a thabhairt do sheoladh foirmiúil mhairteoil na hÉireann isteach i Margadh na Cóiré. Tá leathnú agus éagsúlú margaí do mhairteoil na hÉireann lárnach d'fhorbairt na hearnála agus chun luach onnmhairí agraibhia na hÉireann a mhéadú. Tá dul chun cinn suntasach déanta cheana féin ón bhfógra rochtana tosaigh i mí na Bealtaine idir tionscal mairteola na hÉireann, allmhaireoirí agus custaiméirí ionchasacha i bPoblacht na Cóiré. Mar an ceathrú allmhaireoir mairteola is mó ar fud an domhain, tugann margadh na Cóiré deis iontach dár n-earnáil mairteola.”
Dúirt Príomhfheidhmeannach Bhord Bia, Jim O’Toole:
“Is í an trádáil le margaí idirnáisiúnta ar nós na Cóiré an tríú rogha thábhachtach d'onnmhairí mairteola na hÉireann, ag méadú ár roghanna margaidh agus an cumas luach a uasmhéadú ó raon gearrthacha. Táimid i Súl níos lú ná ceithre mhí tar éis rochtain ar mhargadh mairteola na Cóiré a dhaingniú chun caidrimh thrádála a neartú agus mairteoil na hÉireann a sheoladh go hoifigiúil.
Tá onnmhaireoirí mairteola na hÉireann ag díriú ar dheiseanna i gcainéil ardleibhéil mhiondíola, ríomhthráchtála agus seirbhísí bia. Is oiriúnach é an ríomhthráchtáil, go háirithe, do ghearrthacha stéige Éireannacha den scoth, leis an deis dul chomh fada le tomhaltóirí saibhre na Cóiré atá ag lorg áisiúlachta agus rogha eile seachas mairteoil cothaithe le gráin arna hallmhairiú. Cuimsíonn comhaontú rochtana mairteola na hÉireann gearrthacha le feoil ar an gcnámh, amhail gearreasnacha, a bhfuil tóir orthu i mbialanna beárbaiciú na Cóiré. Itear an mhórchuid de mhairteoil allmhairithe tríd an gcainéal seirbhísí bia, áit a bhfuil bialanna beárbaiciú chun tosaigh.
Tá sraith seirbhísí i bhfeidhm ag Bord Bia chun tacú le honnmhaireoirí mairteola na hÉireann atá ag díriú ar mhargadh na Cóiré. Áirítear leis seo staidéar léargais ar mhairteoil ar tugadh faoi le tomhaltóirí na Cóiré chun tuiscint níos fearr a fháil ar a roghanna blais, a chuirfear i láthair sheimineár trádála na hÉireann inniu.”
Dúirt an tAire McConalogue mar fhocal scoir:
“Is tréimhse iontach í seo i bhforbairt leanúnach ár gcaidrimh idir Éirinn agus Poblacht na Cóiré tar éis an mhéid rannpháirtíochta nach beag a bhí ann ag leibhéil oifigiúla, taidhleoireachta agus pholaitiúla le blianta beaga anuas.
DEIREADH