Spreagann an tAire iascairí chun páirt a ghlacadh i Scéim Measúnaithe Eacnamaíochta an Chabhlaigh Cladaigh de réir mar a chuirtear síneadh leis an spriocdháta le haghaidh iarratas

Is mian leis an Aire Talmhaíochta, Bia agus Mara, Charlie McConalogue TD gach iascaire incháilithe a spreagadh chun páirt a ghlacadh i Scéim Measúnaithe Eacnamaíochta an Chabhlaigh Cladaigh agus iad a chur ar an eolas faoin spriocdháta sínte le haghaidh iarratas, an 8 Samhain.

Ag trácht dó, dúirt an tAire:

D'fhógair an tAire an scéim go sonrach roimhe seo chun tacú le forbairt eacnamaíoch an chabhlaigh iascaireachta cladaigh agus lena chumasú.

Tá an scéim deartha chun tógáil ar Dhaonáireamh Cladaigh a rinne Bord Iascaigh Mhara (BIM) in 2023, trí fhaisnéis mhionsonraithe bhreise a ghabháil maidir leis an eolas margaidh reatha agus na bealaí chuig an margadh atá á n-úsáid ag iascairí cladaigh, chomh maith lena gcumas margaí nua a aithint agus rochtain a fháil orthu.

Faoin scéim seo, comhlánóidh rannpháirtithe suirbhéanna mionsraithe, a bheidh mar bhonn eolais ag measúnú mionsonraithe agus cuimsitheach ar na gnéithe seo den earnáil agus sin a chumasú. Tabharfaidh sé sin deis don Roinn agus do BIM tacaíochtaí éifeachtacha a fhorbairt agus a dhíriú a chuideoidh le hiascairí cladaigh freagairt do na dúshláin mhargaidh atá rompu.

Tar éis teagmháil idir an Roinn agus ionadaithe na n-iascairí an tseachtain seo caite, eisíodh soiléiriú ar na critéir incháilitheachta agus tugadh cothrom le dáta é ar shuíomh gréasáin Bhord Iascaigh Mhara agus is é an 8 Samhain an spriocdháta le haghaidh iarratas anois.

D'fhonn rannpháirteachas sa suirbhé a spreagadh, agus mar aitheantas ar an obair shuntasach riaracháin atá i gceist dóibh siúd a ghlacfaidh páirt, déanfaidh an scéim foráil d'iarratasóirí íocaíocht a fháil, agus déanfar an suirbhé in dhá chéim. Beidh na híocaíochtaí bunaithe ar fhad an tsoithigh, agus íocfar iad in dhá thráthchuid, ceann amháin nuair a bheidh gach céim den suirbhé críochnaithe. Faoin scéim, beidh €3,500 san iomlán ar fáil do shoithí níos lú ná 8m ar fad, agus €5,000 san iomlán do shoithí idir 8 agus 17.99m ar fad. Rinneadh leasú tábhachtach ar na critéir incháilitheachta ar an scéim freisin, rud a chiallaíonn nach mór d'iarratasóirí a bheith in ann gníomhaíocht 60 lá a thaispeáint sa dá bhliain féilire roimhe seo (2022-2023) le bheith incháilithe don scéim. Tagann sé seo in ionad an ghá a bhí ann roimhe seo gníomhaíocht 60 lá a thaispeáint i ngach ceann den dá bhliain féilire. Tá geallta ag BIM iarratais a fuarthas roimhe seo a athmheasúnú i bhfianaise na gcritéar incháilitheachta nua seo agus ní bheidh ar na hiarratasóirí sin iarratas a chur isteach arís.

€2,000 a bheidh sa tráthchuid tosaigh do shoithí incháilithe nuair a bheidh Céim 1 den suirbhé críochnaithe agus íocfar an t-iarmhéid fágtha nuair a bheidh Céim 2 críochnaithe.

Mar fhocal scoir, dúirt an tAire:

Tá sonraí ar fáil ar www.bim.ie

DEIREADH

Nótaí d’Eagarthóirí

Tá suirbhé i gceist leis an scéim seo a fhéachann le sonraí a bhailiú maidir leis na nithe seo a leanas:

Tosca Margaidh agus Eacnamaíochta

1. Praghsanna Éisc agus Treochtaí Margaidh

• Meánphraghas díolacháin in aghaidh an speicis.

• Athruithe i bpraghsanna séasúracha.

• Tosca a imríonn tionchar ar athruithe ar phraghsanna (m.sh., éileamh, soláthar, dálaí aimsire).

2. Rochtain ar an Margadh

• Fad go dtí na príomh-mhargaí.

• Rochtain ar fhaisnéis faoin margadh (e.g., praghsanna, treochtaí éilimh).

3. Slabhraí Margaidh agus Dáileadh

• Idirghabhálaithe a bhfuil baint acu leis an slabhra soláthair éisc.

• Díolphointí (margaí áitiúla, onnmhairiú).

• Éifeachtúlacht an tslabhra soláthair.

4. Comharchumainn agus Comhghníomhaíocht

• Rannpháirteachas i gcomharchumainn iascaireachta.

• Buntáistí agus dúshláin a bhaineann le ballraíocht i gcomharchumann.

• Gníomhaíochtaí comharchumainn (m.sh., margaíocht chomhpháirteach, acmhainní comhroinnte).

• Tosca Sóisialta agus Institiúideacha

5. Iompar agus Cúrsaí Lóistíochta

• Infhaighteacht agus riocht saoráidí iompair.

• Costais iompair agus a dtionchar ar bhrabúsacht.

• Saincheisteanna a bhaineann le cúrsaí lóistíochta (m.sh., staid an bhóthair, infhaighteacht feithiclí)

6. Seirbhísí Creidmheasa agus Airgeadais

• Rochtain ar sheirbhísí creidmheasa agus airgeadais.

• Foinsí creidmheasa (m.sh., bainc, comharchumainn, iasachtóirí neamhfhoirmiúla).

• Téarmaí agus coinníollacha iasachtaí (rátaí úis, sceidil aisíocaíochta).

• Sonraí Socheacnamaíocha agus Déimeagrafacha

7. Faisnéis Dhéimeagrafach

• Aois, inscne, agus cúlra oideachais na n-iascairí.

• Méid agus comhdhéanamh an teaghlaigh.

• Foinsí eile ioncaim.

Cleachtais Teicneolaíochta agus Nuálacha

8. Úsáid na Teicneolaíochta

• Teicneolaíochtaí agus cleachtais iascaireachta nua a ghlacadh.

• Úsáid GPS agus gléasanna rianaithe eile.

• Tionchar na teicneolaíochta ar éifeachtúlacht agus inbhuanaitheacht iascaireachta

9. Na Meáin Sóisialta agus Margaíocht Dhigiteach

• Na meáin shóisialta a úsáid chun táirgí éisc a mhargú.

• Éifeachtacht ardán ar líne maidir le dul i bhfeidhm ar thomhaltóirí.

• Oiliúint agus tacaíocht chun uirlisí digiteacha a úsáid.