Suirbhé seolta chun bonn eolais a chur faoin scéim chun tacú le Feirmeoirí Óga Fadbhunaithe

Osclaítear suirbhé ar líne inniu mar ullmhúchán do scéim chun tacú le Feirmeoirí Óga Fadbhunaithe, ar a dtugtar Feirmeoirí Dearmadta de ghnáth.

Leithdháileadh €5 mhilliún ar an Roinn i mBuiséad 2025 chun tacaíocht a chur ar fáil don ghrúpa Feirmeoirí Dearmadta. Is é an chéad chéim thábhachtach sa phróiseas seo ná an suirbhé ar líne a sheoladh chun cabhrú le líon na bhfeirmeoirí a chomhlíonann na critéir sheanbhunaithe d'fheirmeoirí dearmadta a chinneadh. Tabharfar an scéim seo ar an scéim chun tacú le Feirmeoirí Óga Fadbhunaithe.

Sainmhínítear an grúpa feirmeoirí seo mar fheirmeoirí óga a bhí faoi bhun 40 bliain d'aois in 2015, a thosaigh sa talmhaíocht roimh 2008, nach raibh teidlíochtaí íocaíochta ar luach ar bith nó ar luach íseal acu agus nach raibh incháilithe do thacaíochtaí d'fheirmeoirí óga faoi CBT ó 2015 mar gheall ar an dáta a bhunaigh siad sa talmhaíocht den chéad uair.

Ligfidh an suirbhé ar líne do dhaoine aonair a chomhlíonann na critéir seo a spéis a chlárú leis an Roinn.

Is féidir teacht ar an suirbhé ar líne, mar ullmhúchán don scéim chun tacú le Feirmeoirí Óga Fadbhunaithe, ag Agfood.ie agus beidh sé ar oscailt go dtí Dé hAoine, an 30 Bealtaine 2025.

Tá tuilleadh sonraí agus treoir maidir leis an Suirbhé ar líne a chomhlánú ar fáil ar leathanach gréasáin Gov.ie na Roinne ag: Scéim chun Tacú le Feirmeoirí Óga Fadbhunaithe.

Tá an suirbhé á dhéanamh ag an Roinn Talmhaíochta, Bia agus Mara agus ní hionann é agus iarratas ar íocaíocht faoi scéim chun tacú le Feirmeoirí Óga Fadbhunaithe nó chun iallach a chur ar an Roinn incháilitheacht a chinneadh nó íocaíocht a dhéanamh le daoine aonair a chomhlánaíonn agus a chuireann an Suirbhé isteach.