Fógra Teicniúil: Síneadh go dtí 2026 ar na Scéimeanna Cúnaimh Infheistíochta le haghaidh Nuálaíochta agus Éagsúlaithe sa Ghairneoireacht

D’fhógair an Roinn Talmhaíochta, Bia agus Mara go bhfuil síneadh gearr tugtha inniu don spriocdháta chun iarratais a chur isteach faoi na Scéimeanna Cúnaimh Infheistíochta 2026 le haghaidh Nuálaíochta agus Éagsúlaithe sa Ghairneoireacht. Áirítear ar na scéimeanna ábhartha:

• Scéim 2026 um Nuálaíocht agus Éagsúlú sa Ghairneoireacht (Infheistíochtaí Caipitil)
• Scéim 2026 um Chúnamh Infheistíochta le haghaidh Nuálaíochta agus Éagsúlaithe sa Ghairneoireacht (Staidéir Indéantachta / Staidéir Deisce)
• Scéim 2026 um Chúnamh Infheistíochta le haghaidh Nuálaíochta Próisis agus Eagraíochtúla sa Ghairneoireacht do Ghnólachtaí Móra

Tá an spriocdháta chun iarratais a chur isteach ar na scéimeanna seo sínte ón 23 Eanáir go dtí meán oíche Dé Máirt, an 3 Feabhra 2026.

Tá sé mar aidhm ag na scéimeanna, a osclaíodh d’iarratais i mí na Nollag, tacú le nuálaíocht agus éagsúlú méadaithe i measc táirgeoirí príomhúla san earnáil ghairneoireachta. Is féidir tuilleadh eolais a fháil anseo, lena n-áirítear an Fhoirm Iarratais agus Téarmaí agus Coinníollacha na Scéime.

CRIOCH