Rialacháin an Aontais Eorpaigh (Pleanáil agus Forbairt) (Fuinneamh In-Athnuaite) 2025
- Ó: An Roinn Tithíochta, Rialtais Áitúil agus Oidhreachta
- Foilsithe: 26 Lúnasa 2025
Tugtar fógra sa chiorclán seo d’údaráis phleanála, don Choimisiún agus do phríomhpháirtithe leasmhara eile maidir le hairteagail áirithe den Treoir maidir le Fuinneamh In-Athnuaite III (an Treoir) a thrasuí sa chód pleanála. Tá raon leathan sa Treoir agus áirítear inti forálacha arb é is aidhm dóibh dlús a chur leis an bpróiséas deonaithe ceadanna le haghaidh tionscadail fuinnimh in-athnuaite trí amlínte éigeantacha deonaithe ceadanna a chur ar fáil do chineálacha éagsúla tionscadal fuinnimh in-athnuaite, chomh maith le forálacha a bhaineann le Treoracha maidir le cosaint an chomhshaoil agus leis an gcaoi a gcuirtear i bhfeidhm iad i ndáil le tionscadail áirithe fuinnimh in-athnuaite.
Le Rialacháin an Aontais Eorpaigh (Pleanáil agus Forbairt) (Fuinneamh In-Athnuaite) 2025 (I.R. 274 de 2025), tugadh éifeacht d’Airteagail 15e(5), 16, 16b, 16c(2), 16c(3), 16d, 16e agus 16f den Treoir, trí leasuithe a dhéanamh ar an Acht um Pleanáil agus Forbairt 2000 agus ar na Rialacháin um Pleanáil agus Forbairt 2001 go 2025. Pléitear na leasuithe sin go mion in Aguisín 1.
