Comhairliúchán Poiblí ar Ráiteas Tionchair Natura Uiscí LIFE

Tá Ráiteas Tionchair Natura Uiscí LIFE foilsithe ag an Aire Tithíochta, Rialtais Áitiúil agus Oidhreachta, James Browne, TD, le haghaidh comhairliúcháin.

Tionscadal léirithe scála dobharcheantair is ea tionscadal comhtháite Uiscí LIFE chun éifeachtacht chur chun feidhme na mbeart ‘dea-chleachtais’ a chuirtear in oiriúint go háitiúil a thástáil agus a bhailíochtú thar réimse tírdhreach agus úsáidí talún a bhaineann le dobharcheantair uiscí ardstádais de ghnáth. Leis an tionscadal, léireofar cur chun feidhme éifeachtach an chur chuige chomhtháite atá bunaithe ar dhobharcheantar chun bearta a chur i bhfeidhm lena gcosnófar agus/nó lena n-athbhunófar na huiscí uile ar sainaithníodh cuspóir ardstádais ina leith i bPlean Bainistíochta Abhantraí na hÉireann.

Is é cuspóir an chomhairliúcháin seo tuairimí an phobail a lorg ar Ráiteas Tionchair Natura. Tabharfaidh an tAonad um Measúnú Éiceolaíoch de chuid na Roinne Tithíochta, Rialtais Áitiúil agus Oidhreachta aird ar aon aighneachtaí nó tuairimí a fhaightear i rith an chomhairliúcháin phoiblí. I ndiaidh athbhreithniú a dhéanamh ar na freagairtí, cuirfidh an tAonad um Measúnú Éiceolaíoch cinneadh faoi bhráid an Aire Tithíochta, Rialtais Áitiúil agus Oidhreachta de bhun Airteagal 6(3) den Treoir maidir le Gnáthóga

Tá Measúnacht Chuí á déanamh ar an Measúnacht Tionchair Natura ag an Aonad um Measúnú Éiceolaíoch, mar a cheanglaítear faoi Rialachán 42 de Rialacháin na gComhphobal Eorpach (Éin agus Gnáthóga Nádúrtha), 2011-2021. Tá an comhairliúchán poiblí seo á dhéanamh de réir Rialachán 42(13) de na Rialacháin sin. Tabharfaidh an tAonad um Measúnú Éiceolaíoch aird ar aon aighneachtaí nó tuairimí a fhaightear le linn an chomhairliúcháin phoiblí agus féadfaidh sé a chinneadh ina dhiaidh sin go mbeidh, nó nach mbeidh, drochthionchar ag an measúnú ar shláine láithreáin Eorpaigh.

Iarrann an tAire anois ar dhaoine den phobal aighneachtaí, barúlacha agus tuairimí a chur isteach maidir leis an Measúnacht Tionchair Natura le linn na tréimhse ó Dé Luain 1st Meán Fómhair 2025 to 5pm Dé Céadaoin 10th October 2025.

Tá cóip de:

• Ráiteas Tionchair Natura mar thaca le Measúnacht Chuí ar Ghníomhaíochtaí Tacaíochta Uiscí LIFE
• Aguisín I

ar fáil lena scrúdú ag an bpobal ar líne agus ag oifigí 90 Sráid an Rí Thuaidh (Margadh na Feirme) den tSeirbhís Páirceanna Náisiúnta agus Fiadhúlra, Baile Átha Cliath 7, le linn uaireanta oifige (9.15 a.m. go 5.30 p.m. Luan go Déardaoin agus 9.15 a.m. go 5.15 p.m. ar an Aoine, gan saoirí poiblí san áireamh) le linn na tréimhse ó Dé Luain 1st Meán Fómhair 2025 to 5pm Dé Céadaoin 1st Deireadh Fómhair 2025.

Más mian leat féachaint ar na doiciméid, i láthair go pearsanta, sna hoifigí, seol ríomhphost chuig eau@npws.gov.ie nó glaoigh ar an uimhir (01) 888 2052 agus tagair don chomhairliúchán ionas gur féidir leat coinne a dhéanamh.

Is féidir aighneachtaí nó tuairimí a bhaineann leis an Ráiteas Tionchair Natura a sheoladh chuig an seoladh ríomhphoist eau@npws.gov.ie nó tríd an bpost chuig:

Breithneoidh foireann an Aonaid um Measúnú Éiceolaíoch (AMÉ) na haighneachtaí seo agus déanfar cinneadh de bhun Airteagal 6(3) den Treoir maidir le Gnáthóga agus Rialacháin na gComhphobal Eorpach (Éin agus Gnáthóga Nádúrtha), 2011-2021.

Tabhair do d’aire go bhfuil seans ann go gcuirfear na haighneachtaí a fhaightear ar fáil ar shuíomh gréasáin an Rialtais. Tá tuilleadh faisnéise le fáil i Ráiteas Príobháideachais an Chomhairliúcháin faoi nasc na nDoiciméad

• Ráiteas Tionchair Natura
• Aguisín 1

Tá gach aighneacht agus tuairim a chuirtear faoi bhráid na Roinne chun na críche seo faoi réir a nochta faoin Acht um Shaoráil Faisnéise, (SF), 2014, agus faoi Rialacháin na gComhphobal Eorpach (Rochtain ar Fhaisnéis faoin gComhshaol), 2007-2014. Tá aighneachtaí faoi réir reachtaíochta maidir le Cosaint Sonraí.

Níor cheart go mbeadh faisnéis phearsanta, rúnda ná faisnéis atá íogair ó thaobh na tráchtála de san áireamh i d’aighneacht (seachas d’ainm agus do shonraí teagmhála). Glacfar leis gur féidir an fhaisnéis ar fad atá le fáil i d’aighneacht a nochtadh faoin Acht um Shaoráil Faisnéise, 2014.

Tabhair faoi deara, gur féidir gach aighneacht agus breathnóireacht a fhaightear a chur ar fáil ar shuíomh gréasáin na Roinne. In aon chás, beidh gach aighneacht a fhaightear faoi réir fhorálacha an Achta um Shaoráil Faisnéise, na Rialachán maidir le Rochtain ar Fhaisnéis faoin gComhshaol agus reachtaíochta Cosanta Sonraí. Féach ar an Ráiteas Príobháideachais thíos freisin.

Déanfar aighneachtaí agus tuairimí a bhreithniú agus Measúnacht Tionchair Natura á cur i gcrích, mar a leagtar amach thuas.