Comhairliúchán Poiblí ar an dréacht den Séú Clár Gníomhaíochta um Níotráití

Fáiltíonn an tAire Tithíochta, Rialtais Áitiúil agus Oidhreachta, James Browne, T.D., roimh aighneachtaí, barúlacha agus tuairimí maidir leis an dréacht den Séú Clár Gníomhaíochta um Níotráití. D’fhorbair an Roinn Tithíochta, Rialtais Áitiúil agus Oidhreachta na bearta don Séú Clár Gníomhaíochta um Níotráití i ndlúthchomhar leis an Roinn Talmhaíochta, Bia agus Mara (RTBM). Aithnítear go bhfuil gá le tuilleadh gníomhaíochta chun cáilíocht an uisce a chosaint agus a fheabhsú, agus forbraíodh an tsraith beart i ndiaidh moltaí ón nGrúpa Saineolaithe Níotráití agus i gcomhairle le páirtithe leasmhara lena n-áirítear Grúpa Oibre um Cháilíocht Uisce Talmhaíochta an RTBM. Tugtar éifeacht le Rialacháin na gComhphobal Eorpach (Dea-chleachtas Talmhaíochta chun Uiscí a Chosaint) 2022 (I.R. Uimh. 113 de 2022), arna leasú, don Cúigiú Clár Gníomhaíochta um Níotráití reatha na hÉireann. Tá bearta sonracha sna rialacháin chun uiscí dromchla agus screamhuisce a chosaint ó thruailliú cothaitheach a thagann ó fhoinsí talmhaíochta. Nuair a bheidh na bearta tugtha chun críche, déanfar na Rialacháin um Dhea-Chleachtas Talmhaíochta chun Uiscí a Chosaint (DCT) atá ann faoi láthair a aisghairm, agus Rialacháin nua a chur ina n-ionad chun na bearta rialála a chur i bhfeidhm sa Séú CGN.

Is é cuspóir an chomhairliúcháin seo tuairimí an phobail a lorg ar an dréacht den Séú Clár Gníomhaíochta um Níotráití.

Tugann an doiciméad seo breac-chuntas ar an dréacht den Séú Clár Gníomhaíochta um Níotráití. Déantar na bearta atá beartaithe a dheighilt ina dhá ghrúpa; iad siúd a bhfuil bonn rialála ag teastáil uathu faoi Rialacháin DCT, agus na bearta sin ba cheart a chur i bhfeidhm ar bhonn neamhrialála.

Tugtar CGN na hÉireann éifeacht do cheanglais na Treorach maidir le Níotráití (Treoir 91/676/CEE ón gComhairle). Is é is cuspóir dó truailliú uiscí dromchla agus screamhuisce ó chothaithigh talmhaíochta a chosc, agus cáilíocht an uisce a chosaint agus a fheabhsú. Ceanglaítear leis an Treoir maidir le Níotráití ar na Ballstáit CGN a fhorbairt gach ceithre bliana, agus in Éirinn, tugtar bonn reachtúil do ghnéithe rialála an CGN trí na Rialacháin um Dhea-Chleachtas Talmhaíochta chun Uiscí a Chosaint.

Tá an tAire ag tabhairt cuireadh do bhaill den phobal aighneachtaí, barúlacha agus tuairimí a dhéanamh maidir leis an dréacht den Séú Clár Gníomhaíochta um Níotráití i rith na tréimhse ón 28 Deireadh Fómhair 2025 go dtí an 1 Nollaig 2025.

Cóip den:

• Dréacht den Séú Clár Gníomhaíochta um Níotráití
• Dréacht-Rialacháin maidir le Dea-Chleachtas Talmhaíochta chun Uiscí a Chosaint, agus
• Ráiteas Príobháideachais

go léir ar fáil lena n-iniúchadh ag an bpobal ar líne agus ag Teach an Chustaim le linn uaireanta oifige (9am – 5pm Luan go hAoine, ach amháin saoirí poiblí) le linn thréimhse an chomhairliúcháin.

Má theastaíonn uait na doiciméid sin a fheiceáil i láthair go pearsanta seol ríomhphost le do thoil chuig WAUConsultation@housing.gov.ie leis an ábhar Comhairliúchán Níotráití chun coinne a dhéanamh.

Is féidir aighneachtaí nó tuairimí a dhéanamh chuig WAUConsultation@housing.gov.ie leis an ábhar Comhairliúchán Níotráití nó tríd an bpost chuig:

Comhairliúchán Níotráite

Aonad Comhairleach Uisce

An Roinn Tithíochta, Rialtais Áitiúil agus Oidhreachta

Teach an Chustaim,

Baile Átha Cliath 1

D01 W6X0

Tabhair faoi deara, le do thoil, go bhféadfar gach aighneacht a fhaightear a chur ar fáil ar shuíomh gréasáin an Rialtais. Tá tuilleadh faisnéise le fáil i Ráiteas Príobháideachais an chomhairliúcháin faoi nasc na nDoiciméad.

Tabharfar faoi chomhairliúcháin ar leith don Tuarascáil Timpeallachta um Mheasúnacht Straitéiseach Timpeallachta agus Ráiteas Tionchair Natura a thosóidh sna seachtainí amach romhainn.

Tá na haighneachtaí agus na tráchtanna uile a chuirtear faoi bhráid na Roinne chun na críche sin faoi réir scaoilte faoin Acht um Shaoráil Faisnéise (SF), 2014 agus faoi Rialacháin na gComhphobal Eorpach (Rochtain ar Fhaisnéis maidir leis an gComhshaol) 2007-2014. Tá aighneachtaí faoi réir na reachtaíochta um Chosaint Sonraí freisin.

Níor cheart go mbeadh faisnéis phearsanta, rúnda ná faisnéis atá íogair ó thaobh na tráchtála de san áireamh i d’aighneacht (seachas d’ainm nó do shonraí teagmhála). Toimhdeofar go bhfuil an fhaisnéis go léir atá i d’aighneacht inscaoilte faoin Acht um Shaoráil Faisnéise, 2014.

Úsáidfear an t-eolas a chuireann freagróirí ar fáil chun an Séú Clár Gníomhaíochta um Níotráití a bheachtú agus a chríochnú.