Pleananna do mhéara dírthofa le feidhmeanna feidhmiúcháin do Chathair agus Contae Luimnigh

Foilsiú thuarascáil an Ghrúpa Comhairleach Forfheidhmithe a bunaíodh chun méara dírthofa le feidhmeanna feidhmiúcháin do chathair agus do chontae Luimnigh a mheas.

D’fhógair Peter Burke TD, an tAire Stáit do Rialtas Áitiúil agus Phleanáil, gur cheadaigh an Rialtas, ag a chruinniú Dé Máirt, an 26 Eanáir, 2021, foilsiú thuarascáil na nGrúpaí Comhairleacha Forfheidhmithe ar mhéara dírthofa do Luimneach. Is toradh é an tuarascáil ar an obair chrua a rinne an Grúpa, a chuimsigh baill agus oifigigh tofa údarás áitiúil, agus príomhpháirtithe leasmhara i Luimneach. Cuimsíonn an tuarascáil ionchur ó raon páirtithe leasmhara earnála, chomh maith le comhairliúchán poiblí, a rinne Ollscoil Luimnigh. Tá an tAire ag tabhairt tosaíochta d’ullmhúchán reachtaíochta chun toghchán do mhéara i Luimneach a chumasú in 2021.

Ar 24 Bealtaine 2019, reachtáladh pobalbhreitheanna ar mholtaí le haghaidh méara dírthofa a bhfuil feidhmeanna feidhmiúcháin acu i limistéir údaráis áitiúil Chomhairle Cathrach Chorcaí; Comhairle Cathrach agus Contae Luimnigh; agus Comhairle Cathrach agus Contae Phort Láirge. Cuireadh na pobalbhreitheanna ar bun faoi réir fhorálacha an Achta Rialtais Áitiúil 2019. Glacadh leis an moladh le haghaidh méara dírthofa i gComhairle Cathrach agus Contae Luimnigh faoi 52.4% (38,122 vóta i bhfábhar) go 47.6% (34,573 vóta i gcoinne).

Faoi mholadh an Rialtais, bheadh i bhfad níos mó feidhmeanna ag méara dírthofa ná mar atá ag Méara faoi láthair, lena n-áirítear roinnt de na feidhmeanna nó gach feidhm a dhéanann Príomhfheidhmeannach na comhairle cathrach agus contae anois.

Faoi fhorálacha an Achta Rialtais Áitiúil 2019, ceanglaítear ar an Aire tuarascáil a ullmhú agus a chur faoi bhráid gach ceann de Thithe an Oireachtais ag sonrú moltaí le haghaidh achtú dlí a fhorálann do mhéara dírthofa don limistéar riaracháin inar tionóladh an pobalbhreith ina leith (is é sin le rá, Cathair agus Contae Luimnigh). Caithfidh an tAire an tuarascáil a chur faoi bhráid faoi 24 Bealtaine 2021.

• sheol Méara Chathair agus Chontae Luimnigh, an Comhairleoir Michael Sheahan, agus an tAire Stáit do Rialtas Áitiúil agus d’Athchóiriú Toghcháin, John Paul Phelan T.D., Grúpa Comhairleach Feidhmithe Mhéara ar 2 Nollaig 2019. Tabharfaidh an grúpa comhairle don Aire maidir le méara dírthofa do Chathair agus Contae Luimnigh. Is é an tUasal Tim O’Connor an cathaoirleach ar an ngrúpa. Tá sé le tuairisciú don Aire faoi shamhradh 2020.
• tá an Roinn Tithíochta, Pleanála agus Rialtais Áitiúil ag déanamh athbhreithnithe ar na forálacha reachtaíochta go léir a bhaineann le feidhmeanna údaráis áitiúil. Tá an obair seo riachtanach chun aistriú feidhmeanna a éascú chuig méara dírthofa sa todhchaí.
• chomh luath agus a chuirfidh an tAire an tuarascáil faoi mholtaí chun reachtaíocht a achtú chuig an Oireachtas, déanfaidh sé breithniú ar an reachtaíocht. Má ritear an reachtaíocht riachtanach, cuirfear toghchán do mhéara a bhfuil feidhmeanna feidhmiúcháin acu ar bun i limistéar Chomhairle Cathrach agus Contae Luimnigh.

Tá tuilleadh eolais, nuacht agus nuashonruithe ar Ghrúpa Comhairleach Feidhmithe Mhéara Luimnigh, lena n-áirítear téarmaí tagartha, ballraíocht agus miontuairiscí cruinnithe le fáil ag an nasc seo a leanas:

Ghrúpa Comhairleach Feidhmithe Mhéara Luimnigh