An Bille um Thionóntachtaí Cónaithe (Forálacha Ilghnéitheacha), 2026 - Anailís Tionchair Rialála

Leag an tAthbhreithniú ar an Earnáil Cíosa Phríobháideach, a foilsíodh i mí Iúil 2024, béim ar an ngá atá le gnéithe áirithe de rialáil cíosa a fheabhsú.

Tar éis an t-athbhreithniú a thabhairt chun críche, iarradh ar an nGníomhaireacht Tithíochta athbhreithniú a dhéanamh ar Chriosanna Brú Cíosa. Foilsíodh “Athbhreithniú ar Chriosanna Brú Cíosa (CBCanna) agus Breithniú ar Roghanna Beartais Féideartha maidir le Rialuithe Cíosa san Earnáil Phríobháideach Cíosa”, i mí Aibreáin 2025. Ceann de na príomhbhéimeanna san athbhreithniú ná scrúdú a dhéanamh ar thionchar CBCanna ar an margadh cíosa agus moltaí a dhéanamh maidir le cé acu ba cheart nó nár cheart rialuithe cíosa a bhaint, a mhionathrú nó a leasú. Moladh i dtuarascáil na Gníomhaireachta Tithíochta go ndéanfaí an córas rialaithe cíosa atá ann faoi láthair a mhodhnú le tabhairt isteach córas náisiúnta rialuithe cíosa a cheadaíonn praghsanna cíosa a choigeartú le boilsciú laistigh de thionóntacht, agus le haghaidh athshocrú cíosa idir tionóntachtaí chun cíosanna margaidh a léiriú, le bearta slándála tionóntachta feabhsaithe. chun cosaint a thabhairt i gcoinne díshealbhuithe eacnamaíocha.

Ar an 10 Meitheamh 2025, d’fhormheas an Rialtas beartais nua chun rialuithe cíosa agus cosaintí tionóntachta a neartú do thionóntachtaí nua a cruthaíodh ón 1 Márta 2026. Tá na hathruithe sin bunaithe ar mholtaí ón nGníomhaireacht Tithíochta.

Foilsítear thíos an Anailís Tionchair Rialála ar Scéim Ghinearálta an Bhille um Thionóntachtaí Cónaithe (Forálacha Ilghnéitheacha), 2026.