An Treoir maidir le Fuinneamh In-athnuaite (TFI III) tuilleadh eolais

Is í an Roinn Tithíochta, Rialtais Áitiúil agus Oidhreachta a d’ullmhaigh an doiciméad seo mar fhreagra ar cheisteanna a fuarthas ó Chumann na mBainisteoirí Contae agus Cathrach (CBCC) agus chun críocha faisnéise agus éascaíocht tagartha amháin. Ní doiciméad dlíthiúil é. Más gá, caithfear leis an doiciméad seo mar dhoiciméad beo agus nuashonrófar é de réir mar is cuí.

Tabhair faoi deara nach féidir leis an Roinn comhairle a thabhairt maidir le léirmhíniú ar an reachtaíocht phleanála ós rud é gurb iad an t-údarás pleanála ábhartha agus, i gcásanna áirithe, an Coimisiún Pleanála na comhlachtaí cuí chun comhairle pleanála a thabhairt don phobal.

Ní hionann ábhar an doiciméid seo agus léirmhíniú ar an reachtaíocht, comhairle dlí ná comhairle pleanála. Ba chóir comhairle maidir le cúrsaí pleanála, lena n-áirítear reachtaíocht, a lorg ón údarás pleanála ábhartha, ó chomhairleoir pleanála nó ó aturnae.

Faoi alt 30(1) den Acht um Phleanáil agus Forbairt, 2000, arna leasú agus faoi alt 586 den Acht um Pleanáil agus Forbairt, 2024, tá cosc ar an Aire cumhacht nó rialú a fheidhmiú i ndáil le haon chás ar leith a bhfuil baint nó a bhféadfadh baint a bheith ag údarás pleanála nó ag an gCoimisiún Pleanála leis.