Bainistiú Fiach Bailiúcháin in Údaráis Áitiúla

D’ullmhaigh an tAonad um Luach ar Airgead staidéar ar bhainistiú fiachais laistigh d’údaráis áitiúla.

Faigheann earnáil na n-údarás áitiúil cuid shuntasach dá n-ioncam ó rátaí tráchtála agus ó sholáthar earraí agus seirbhísí. Dá bhrí sin, is gné ríthábhachtach é bainistiú éifeachtach fiachais chun a chinntiú go bhfuil dóthain acmhainní ar fáil chun príomhfheidhmeanna agus príomhghníomhaíochtaí gach údaráis áitiúil a mhaoiniú.

Déanann an tuarascáil seo athbhreithniú ar chleachtais, ar chórais bailiúchán agus ar nósanna imeachta bainistithe fiachais atá i bhfeidhm, chun a n-éifeachtúlacht agus a n-éifeachtacht a mheas agus chun moltaí a dhéanamh don earnáil bunaithe ar dhea-chleachtas.