English

Cuardaigh ar fad gov.ie

Foilsiú

Clárú chun vótáil



Clár na dToghthóirí

Déanann Údarás Clárúcháin laistigh de Chomhairle Cathrach nó Contae Clár na dToghthóirí a bhainistiú agus a choimeád.

Chun a fháil amach an bhfuil d’ainm ar Chlár na dToghthóirí is féidir leat:


Spriocdhátaí – Clár na dToghthóirí

Maidir le hiarratais chomhlánaithe ar chlárú nó ar do shonraí anuashonrú, ní mór d'údarás áitiúil an cheantair ina bhfuil tú i do chónaí iad a fháil faoin 12 Samhain 2024.


Vótálaithe speisialta agus vótálaithe poist

Má tá cónaí ort in ospidéal, i dteach altranais, in áis mheabhairshláinte nó in institiúid dá leithéid agus mura bhfuil tú ábalta dul chuig d'ionad vótaíochta, féadfaidh tú iarratas a dhéanamh dul ar liosta na vótálaithe speisialta. Cuireann sé seo ar do chumas vótáil san áit ina bhfuil cónaí ort.

Tá daoine áirithe i dteideal iarraidh ar vóta poist:

  • baill den Gharda Síochána (fórsa póilíneachta);
  • daoine a bhfuil cónaí orthu sa bhaile ach nach bhfuil in ann dul chuig ionad vótaíochta chun vóta a *chaitheamh de dheasca breoiteachta nó míchumais;
  • daoine ar dócha go gcoiscfidh a ngairmeacha iad ó vótáil ag a n ionad vótaíochta áitiúil lá toghcháin, lena n-áirítear mic léinn lánaimseartha atá cláraithe sa bhaile agus atá ina gcónaí in áit eile agus iad ag freastal ar fhoras oideachais sa Stát (faoin socrú sin, cuirtear páipéar ballóide chuig baile an toghthóra agus caithfidh seisean/sise socrú a dhéanamh go ndéanfaidh Garda a d(h)earbhú aitheantais a fhianú sula marcálfaidh sé/sí an páipéar ballóide agus sula gcuirfear ar ais é leis an bpost chuig an gceann comhairimh);
  • toghthóirí nach féidir leo vóta a chaitheamh ag a n-ionad vótaíochta de dheasca imthosca a bhaineann *lena dtréimhse choinneála i bpríosún, de bhun ordú de chuid na cúirte;
  • roinnt baill foirne an toghcháin fostaithe ag ionad vótaíochta lasmuigh den toghcheantar ina bhfuil cónaí orthu; agus
  • i gcás go bhfuil duine buartha faoina s(h)ábháilteacht nó faoi shábháilteacht duine dá t(h)eaghlach dá bhfoilseofaí a (h)ainm agus a s(h)eoladh baile, féadfaidh iarratas a dhéanamh le bheith mar thoghthóir anaithnid. Ní féidir na toghthóirí sin ach vóta a chaitheamh tríd an bpost.

Chun dul ar cheann de na liostaí thuas, tabhair cuairt le do thoil ar www.checktheregister.ie nó cinntigh go bhfaighidh do chomhairle áitiúil d’fhoirm iarratais faoin 10 Samhain 2024

Tá tuilleadh eolais ar fáil ar chlár na dtoghthóirí i raon teangacha éagsúla.