Córas Cíosa Tithíochta Sóisialta Cóir agus Cothrom

Tá sé beartaithe ag an Rialtas athbhreithniú iomlán a dhéanamh ar an gcaoi a socraítear cíosanna do thionóntaí tithíochta sóisialta in údaráis áitiúla.

Is é an aidhm a chinntiú go n-íocann teaghlaigh a bhfuil ioncam comhchosúil acu an cíos céanna beag beann ar a dtiarna talún (cibé acu comhairle áitiúil nó Comhlacht Ceadaithe Tithíochta atá ann) nó ar an áit ina gcónaíonn siad.

Aithníonn an Rialtas freisin gur cuid thábhachtach de mhaoiniú tithíochta sóisialta iad íocaíochtaí cíosa. Cuidíonn an t-airgead a íocann tionóntaí lena dtithe a chothabháil agus a fheabhsú, agus tacaíonn sé leis na pobail ina bhfuil cónaí orthu