Foilsíodh Pleananna Gníomhaíochta maidir le Conair Uisceach do Speicis Choimhthíocha Ionracha (2022 - 2027)

Faoi Airteagal 13(1) de Rialachán an AE maidir le Speicis Choimhthíocha Ionracha, ní mór do na Ballstáit anailís chuimsitheach a dhéanamh ar na conairí maidir le tús neamhbheartaithe agus ar scaipeadh na speiceas coimhthíoch ionrach agus ‘na conairí a bhfuil tús áite de dhíth orthu de bharr mhéid na speiceas nó an díobháil a d’fhéadfadh na speicis atá ag teacht isteach chuig an Aontas tríd na conairí sin a dhéanamh a aithint.’ Trí anailís a dhéanamh ar an mbaol a bhaineann le gach speiceas coimhthíoch ionrach a bhfuil imní ar an Aontas ina thaobh a thabhairt isteach agus a scaipeadh in Éirinn agus an tionchar a d’fhéadfadh a bheith acu, déantar na conairí gaolmhara a rangú agus a chur in ord tosaíochta. Ó thaobh na conairí tosaíochta de, déantar Pleananna Gníomhaíochta Conairí a fhorbairt.

Is é is cuspóir leis na Pleananna Gníomhaíochta Conairí ná cosc a chur leis an mbaol a d’fhéadfadh na conairí a dhéanamh nó an baol sin a laghdú trí bhearta a úsáid amhail feasacht phoiblí a mhúscailt agus gníomhartha a leagan amach chun tabhairt isteach neamhbheartaithe a chosc trí thruailliú earraí, tráchtearraí, feithiclí agus trealaimh ó speicis choimhthíocha ionracha a laghdú, agus seiceálacha cuí teorann a chinntiú.

Ta na Pleananna Gníomhaíochta Conairí maidir le Slatiascaireacht agus Bádóireacht agus Dobharárthach Áineasa anois ar fáil lena mbreithniú. D’fhorbair grúpa oibre a raibh ionadaí ón tSeirbhís Páirceanna Náisiúnta agus Fiadhúlra ina chathaoirleach air gach ceann acu agus bhí siad ar fáil le haghaidh comhairliúchán poiblí idir an 9 Nollaig 2021 agus an 4 Feabhra 2022.