Fuinneamh In-athnuaite Amach ón gCósta (ORE) – Comhairliúchán Réamhiarratais do Cheadúnais Imscrúdaithe Láithreáin Amháin
- Foilsithe: 30 Eanáir 2019
- An t-eolas is déanaí: 30 Eanáir 2021
Comhairliúchán réamhiarratais
Éilítear ar iarratasóir ar cheadúnas imscrúdaithe láithreáin ORE dul i gcomhairle leis an Rannóg Pleanála Muirí agus Imeall Trá i bhfad roimh na tograí a thabhairt chun críche. Beidh ort foirm réamhiarratais a thugann leagan amach an tionscadail a chur isteach roimh an gcruinniú. Tá an fhoirm ar fáil anseo.
Beidh ort na nithe seo a leanas a chur ar fáil ag cruinniú réamhiarratais:
- cur síos mionsonraithe ar an tionscadal
- amchlár an tionscadail
- sonraí aon cheada eile a éilítear
- sonraí aon chomhairliúcháin a rinneadh
- míniú ar an tslí a bhfuil do thionscadal beartaithe ag teacht le Plean Forbartha na hÉireann maidir le Fuinneamh In-athnuaite Amach ón gCósta
Ba chóir go mbeadh eolas agat ar phleanáil, measúnacht tionchair timpeallachta agus riachtanais measúnachta chuí.
D'fhéadfaí go gcuirfí comhairle ort dul i mbun tuilleadh comhairliúchán le comhlachtaí Stáit ábhartha agus le páirtithe leasmhara áitiúla ar leith sula gcuireann tú isteach foirm iarratais ar chead imeall trá. D'fhéadfaí treoir a chur ort ag an gcruinniú réamhiarratais maidir le lucht comhairliúcháin a bheadh ábhartha do nádúr an iarratais beartaithe. Tá liosta cuimsitheach lucht comhairliúcháin ar fáil anseo.