Clár Tithíochta Sóisialta Lánmhaoinithe

Tá beagnach €20 billiún geallta ag an Rialtas chun níos mó tithe sóisialta agus inacmhainne a thógáil faoi 2030 arb é an infheistíocht tithíochta is mó i stair an Stáit é. Tacófar leis an maoiniú sin le 72,000 áit chónaithe shóisialta nua a sheachadadh.

Conas a Mhaoinítear é

• Cuireann an Ghníomhaireacht Airgeadais do Thithe (GAT) iasachtaí ar fáil d’údaráis áitiúla agus do chomhlachtaí tithíochta. Idir 2022 agus 2024, tá os cionn €3.75 billiún curtha ar fáil acu cheana féin.
• Cinnteoidh an Rialtas go leanfaidh an GAT de bheith ag freastal ar riachtanais mhaoinithe agus é ag fanacht laistigh de theorainneacha iasachta náisiúnta.
• Déanfaidh an Stát iniúchadh ar roghanna maoinithe eile ón earnáil airgeadais níos leithne freisin, fad is a thairgtear luach maith leo agus go n-oireann siad do rialacha airgeadais náisiúnta.