Thapaigh an Roinn an deis chun athbhreithniú neamhspleách a dhéanamh ar fheidhmiú na gCoistí um Beartas Straitéiseach. Bunaíodh Grúpa Oibre Páirtithe Leasmhara (GOPL) chun an t-athbhreithniú a threorú, a chomhairliú agus a mhaoirsiú. Chuir an Roinn Tithíochta, Rialtais Áitiúil agus Oidhreachta tacaíocht rúnaíochta ar fáil. Rinne an Foras Riaracháin an t-athbhreithniú, agus chuir sé tuarascáil faoi bhráid an GOPL le haghaidh tráchtaireachta.
Áiríodh leis an athbhreithniú próiseas taighde agus comhairliúcháin, meastóireacht ar shocruithe reatha, agus sraith moltaí maidir le coigeartuithe a dhéanamh ar na socruithe reatha.
Is féidir teacht ar Thuarascáil deiridh an Fhorais Riaracháin agus ar thráchtaireacht an Ghrúpa Oibre Páirtithe Leasmhara ar an tuarascáil sin thíos.
Comhlacht Ábhartha - An tAcht um Brústocaireacht a Rialáil
An GOPL ag déanamh maoirseacht ar athbhreithniú Choistí na mBeartas Straitéiseach, "Comhlacht lomchuí", mar a leagadh amach faoin Acht um Brústocaireacht a Rialáil 2015. Cloíonn sé le forálacha faoin gCód Trédhearcachta atá bainteach leis, agus mar sin ní gá dó cloí leis an riachtanas cláraithe agus tuairiscithe a bhaineann le gníomhaíochtaí brústocaireachta.
Cuidigh linn gov.ie a fheabhsú
Is ann don fhoirm seo d’aiseolas, agus sin amháin, a bhaineann leis an leathanach reatha.
Ná cuir faisnéis phearsanta ná airgeadais san áireamh.
Chun gov.ie a fheabhsú, déanfar anailís ar an bhfaisnéis a chuireann tú isteach agus ní thabharfar freagra uirthi ar bhonn indibhidiúil.
