An Creat chun Easpa Dídine a Chosc

Tá sé ríthábhachtach easpa dídine a chosc sula dtarlaíonn sé. Tá go leor tacaíochtaí rialtais ar fáil cheana féin chun cabhrú le daoine tithíocht shábháilte a aimsiú agus a choinneáil. Tabharfaidh an Creat chun Easpa Dídine a chosc nua seo na hiarrachtaí seo go léir le chéile. Cabhróidh sé le ranna éagsúla oibriú níos fearr le chéile agus aon tacaíochtaí atá in easnamh a aithint go háirithe do na daoine is mó atá i mbaol a bheith gan dídean.

Féachann an Creat ar chúig phríomhchineál coisc:

• Cosc Uilíoch: Tacaíochtaí ginearálta do gach duine chun an baol maidir le heaspa dídine a laghdú.
• Cosc in aghaidh an tsrutha: Cúnamh luath do dhaoine gur léir go bhfuil deacrachta tithíochta acu.
• Cosc ag Uair na Cinniúna: Tacaíocht do dhaoine atá i mbaol láithreach a dteach a chailleadh.
• Cosc Éigeandála: Cúnamh do dhaoine atá gan dídean cheana féin chun codladh amuigh a sheachaint.
• Cosc Leantach: Cúnamh chun daoine a stopadh ó bheith gan dídean arís.

Díreoidh an Creat ar:

• Níos mó tithíocht shóisialta agus inacmhainne a thógáil.
• Thacaíocht spriocdhírithe a chur ar fáil do na daoine is mó atá i mbaol a bheith gan dídean.
• Ghníomhú go luath chun daoine a stopadh ó chóiríocht éigeandála a bheith ag teastáil uathu.
• A chinntiú go bhfuil cóiríocht éigeandála ar fáil agus ar chaighdeán maith ionas nach mbeidh ar aon duine codladh amuigh.
• Thacú le daoine agus iad ag fágáil lóistín éigeandála chun cosc a chur orthu filleadh ar easpa dídine.

Beidh na dreamanna seo a leanas i gceist leis an gCreat:

• Ranna rialtais
• Údaráis Áitiúla
• Gníomhaireachtaí stáit
• Eagraíochtaí neamhrialtasacha (ENRanna)

Cuirfidh sé obair foirne agus freagracht chomhroinnte chun cinn chun easpa dídine a laghdú.

Féachfar sa Chreat ar na cúiseanna a dtarlaíonn easpa dídine, go háirithe orthu siúd is mó atá i mbaol. Léirítear in eolas ó údaráis áitiúla go dteastaíonn cúram sláinte ó go leor daoine a úsáideann seirbhísí do dhaoine gan dídean, go háirithe le haghaidh meabhairshláinte agus andúile.

Díreoidh an Creat ar:

• Dhaoine ag cailleadh a dtithe sa mhargadh cíosa príobháideach.
• Dhaoine ag imeacht as Soláthar Díreach nó a tháinig go hÉirinn le déanaí.
• Íospartaigh foréigin baile.
• Dhaoine a dteastaíonn tacaíocht mheabhairshláinte nó andúile uathu.