Achmhainní d’Údaráis Áitiúla

Ó 2023 i leith, tá Oifigeach Tithe Folamh lánaimseartha ag gach údarás áitiúil in Éirinn, atá maoinithe ag an Roinn Tithíochta. Tá ról lárnach ag na hoifigigh seo maidir le dul i ngleic le réadmhaoine fholamh agus dearóiliú.

Cuimsítear na feidhmeanna seo a leanas ina gcuid oibre:

• réadmhaoin fholamh agus tréigthe a shainaithint.
• Teagmháil a dhéanamh le húinéirí agus na tacaíochtaí atá ar fáil a chur chun cinn.
• An Deontas um Athchóiriú ar réadmhaoin Fholamh (VPRG) a bhainistiú.
• Comhordú le foirne pleanála, láithreáin tréigthe, agus foirne athghiniúna bailte.

Tacaíonn an tAonad um Thithe Folamh sa Roinn Tithíochta agus an tAonad um Éifeachtúlacht Readmhaoine sa Ghníomhaireacht Tithíochta leo.

Chun dul i ngleic go héifeachtach le dearóiliú, ní mór do chomhairlí smaointe a roinnt agus foghlaim óna chéile. Cabhróidh fóram agus líonra náisiúnta d’fhoireann na n-údarás áitiúil le dea-chleachtas a scaipeadh agus comhordú a fheabhsú.

Cuirfidh sé seo le róil atá ann cheana féin ar nós Oifigigh Athghiniúna Bailte agus Oifigigh Tithe Folmha chun iarrachtaí a chomhtháthú go háitiúil.

Faoi Tithe a Sheachadadh, Pobail a Thógáil, tacóidh maoiniú breise le riarachán an VPRG.

Foilseoidh an Roinn Tithíochta tuarascálacha bliantúla a thaispeánfaidh:

• An obair a rinneadh chun dul i ngleic le dearóiliú.
• Líon na réadmhaoine atá curtha ar ais in úsáid.
• Conas atá bearta maoinithe agus seachadta ag feidhmiú.